Zaburi 26:1-12
Pa Daudi.
26 Pok lembe para, E Yehova, kum awotho i bedocu para;Aketho genogen para iwi Yehova m’umbe nibedo ku jiji.
2 Ng’iya cuu, E Yehova, man ketha i amulaic;Dwok pidoic para m’upondo* man adundena nyen.
3 Kum mer peri ma lokere ngo n’i wang’a saa ceke,Man abewotho i lemandha peri.
4 Adikara ngo* ku dhanu ma gi juvupo,Man auro ju ma gikanu rambgi.*
5 Adagu bedo ku dhanu ma reco,Man akwero nidikara* ku jutimrac.
6 Abilwoko cinga pi ninyutho nia kosa mbe i wiya,Man abidhoko ng’et pemlam peri, E Yehova,
7 Pi niketho dwal mi dwoko foyofoc uwinjereMan pi nitwong’o pi tic peri ceke ma wang’u ijo.
8 Yehova, amaru ot m’ibedo i iye,Kaka ma dwong’ peri bedo i iye.
9 Kud iweya* cen karacelo ku judubo,Kadi kud ikab kwo para cen karacelo ku dhanu ma weg rop,*
10 Ma cing’gi timo lembe mi lewic,Man ma cing’gi ma yor acwic upong’ ku kanyaka.*
11 Ento an abiwotho i bedocu para.
Lara* man nyuth ira bero.
12 Tienda ucungo iwi ng’om ma kpee,Abipaku Yehova i cokiri* ma dit.
Korolembe mi There
^ I dhu Juebrania: “rong’inina.”
^ I dhu Juebrania: “Abedo ngo.”
^ Kunoke “adikara ngo ku weg umbili.”
^ I dhu Juebrania: “nibedo.”
^ Kunoke “Kud iwey ng’eyong’ec para.”
^ Kunoke “karacelo ku dhanu ma cwiro rimo.”
^ Kunoke “akumu.”
^ I dhu Juebrania: “Wara.”
^ I dhu Juebrania: “i coko ma dongo.”
