Zaburi 29:1-11
Wer pa Daudi.
29 Wumii ni Yehova gin m’eromo ko, wu wot dhanu ma tek,Wumii ni Yehova gin m’eromo ko nikum dwong’ man tego pare.
2 Wumii ni Yehova dwong’ m’uromo ku nyinge.
Wurum piny ni* Yehova ma wurukuru ma leng’.*
3 Dwand Yehova ubewinjere iwi pii dupa;Mungu ma dwong’ ubemor calu lukoth.
Yehova n’i wi pii dupa.
4 Dwand Yehova tie ku tego;Dwand Yehova dwong’.
5 Dwand Yehova ubeturo yend tido;Eyo, Yehova uberungo yend tido mi Lebanon.
6 Eketho Lebanon* ubepor calu thwon dhiang’,Man Sirion calu nyathi thwon dhiang’ mi lum.
7 Dwand Yehova ubegoyo piny ku lebmac.
8 Dwand Yehova ubeyengo langa;Yehova uketho langa mi Kadec ubeyengere.
9 Dwand Yehova mielo kum ruda man ketho enyolElwero luli lelele.
Man ju ceke ma gin’i hekalu pare giyero kumae: “Dwong’ ni Mungu!”
10 Yehova ujany iwi komker pare iwi pii dupa;*Yehova ujany iwi komker pare calu Ubimo pi rondo ku rondo.
11 Yehova bimiyo tego ni dhanu pare.
Yehova bipoko mugisa iwi dhanu pare m’ebimiyo ko igi kwiyocwiny.
Korolembe mi There
^ Kunoke “Wutim thier ni.”
^ Kunoke nyo “nikum leng’o pare ma dit.”
^ Copere eno tie gudi m’ulwobere mi Lebanon.
^ Kunoke “nam m’i polo.”
