Zaburi 33:1-22
33 Wukok kud anyong’a nikum Yehova, wu weg bedopwe.
E ber nia ju ma gin atira gipake.
2 Wudwok foyofoc ni Yehova kud adungu;Wuwer wer mi pak* ire ku jamgoyo wer ma thondhe apar.
3 Wuwer ire wer ma nyen;Wugoy jamgoyo wer ma juthondhe ku bodho ma wubekok kud anyong’a.
4 Kum lembe pa Yehova en e atira,Man gin ceke m’etimo tie ma jugeno.
5 Emaru bedopwe man lembe m’atira.
Ng’om upong’ ku mer ma lokere ngo pa Yehova.
6 Nikum wec pa Yehova, polo ucwiyere,Man nikum yuyo* m’i dhoge, piny ceke m’i igi.*
7 Ecoko dhu pii m’i nam calu ve juculo dhoge acula;Eketho pii m’ubecorere ubed i dero.
8 Wek ng’om zoo ulwor Yehova.
Wek dhanu ceke ma gibedo iwi ng’om gilwore.
9 Kum eweco, e piny ucwiyere;Eng’olo, e pinyne ucungo nging’ nging’.
10 Yehova unyotho camugamba* mi thek;Eranyu pangulembe* mi dhanu.
11 Ento yub* pa Yehova bicungo mi nja;Paru mir adundene tie niai kum dhanu m’utuk cil i kum dhanu m’utuk.
12 Jumutoro gitie thek ma Mungu migi tie Yehova,Gi dhanu m’eng’iyo ni giralaga pare ma dhe.
13 Yehova neno yo piny niai kud i polo;Eneno wot dhanu ceke.
14 Kud i kabedo pare,Eneno dhanu m’i wi ng’om cuu.
15 En re m’ebinyo adunde dhanu zoo;Eng’iyo i tic migi ceke.
16 Ubimo moko mbe ma both nikum udul askari ma dit;Jarukara both ungo nikum tego pare ma dit.
17 Geno riuni pi both* en e genogen ma iye nanu;Tego pare ma dit nyutho ngo nia jubiboth.
18 Nen! wang’ Yehova ubeneno wi dhanu ma lwore,Dhanu ma gibekuro mer pare ma lokere ngo,
19 Pi nilarugi* kud i thoMan nigwokogi gibed kwo i saa mi ndru.
20 Wabekuro* Yehova.
En e jakony mwa man ban mwa.
21 Anyong’a nego adundewa pire,Kum wageno nyinge ma leng’.
22 E Yehova, dong’ mer peri ma lokere ngo ubed i wiwa,Kinde ma wabemedara nikuri.
Korolembe mi There
^ Kunoke “Wugoy mizik.”
^ I dhu Juebrania: “tipo.”
^ I dhu Juebrania: “udul migi ceke.”
^ Kunoke “juk.”
^ Kunoke “paru.”
^ Kunoke “juk.”
^ Kunoke “aloci.”
^ I dhu Juebrania: “nilaru ng’eyong’ec migi.”
^ Kunoke “Ng’eyong’ec mwa ubekuro.”
