Zaburi 37:1-40
Pa Daudi.
א [Alef]
37 Ng’eicwiny kud unegi* i kum dhanu ma recoKadi kumira de kud unegi i kum jutimrac.
2 Gibithwo pio calu lumMan gibiner calu lum ma numu m’arusi.
ב [Beth]
3 Gen Yehova man itim gin ma ber;Kwo iwi ng’om man itim ku gwoko bedoleng’.
4 Nwang’ anyong’a ma dit i Yehova,Man ebimiyo iri yeny mir adundeni.
ג [Gimel]
5 Wek yo peri i cing’* Yehova,Gene man ebitimo lembe piri.
6 Ebiketho bedopwe peri urieny calu mombwa,Man bedatira peri calu ceng’ mi dieceng’.
ד [Daleth]
7 Bed ling’ i wang’ YehovaMan kure ku cirocir.
Ng’eicwiny kud umekiI kum ng’atu m’ubetuc niketho pangulembe pare ma reco utimere.
ה [He]
8 Wek ng’eicwiny man wek kwinyo cen;Ng’eicwiny kud umeki, imaru timo lembe ma rac.*
9 Kum jubikabu jutimrac cen,Ento ju m’ugeno Yehova gibicamu ng’om ni aba.
ו [Waw]
10 Edong’ nyanok ci, e jutimrac bibedo mbe;Ibineno kaka ma gibino i iye,Ento gibibedo mbe keca.
11 Ento ju ma mol gibicamu ng’om ni aba,Man gibibedo kud anyong’a lee nikum kwiyocwiny ma dit.
ז [Zayin]
12 Jatimrac ubecamu gamba i kum won bedopwe;Ebekayu lake i kume.
13 Ento Yehova bing’iere,Kum eng’eyo nia nindo pare bibino.
ח [Heth]
14 Jutimrac giwodho palamularu migi man gigomo* athero migiPi niredho ju ma jubesendo man jucan,Pi ninego ju ma yo migi atira.
15 Ento palamularu migi bicobo adundegi gigi;Athero migi bitur.
ט [Teth]
16 Piny ma nok pa won bedopweBer ma sagu piny m’upong’ mi jutimrac dupa.
17 Kum bot jutimrac bitur,Ento Yehova bikonyo weg bedopwe.
י [Yod]
18 Yehova ung’eyo gin ma ju ma lembe mbe i wigi gibekadhu kud i iye,*Man giralaga migi bibedo mi nja.
19 Lewic binyay ungo i wigi i nindo mi can;I saa mi ndru gibibedo ku cam lee.
כ [Kaf]
20 Ento jutimrac gibirwinyo,Judegi pa Yehova gibirwinyo calu leng’o pa luba;Gibiduny calu yiro.
ל [Lamed]
21 Jatimrac gamu banja man eculo ngo,Ento won bedopwe miyo ku berocwinye* man enyutho kisa.
22 Ju ma Mungu umiyo igi mugisa gibicamu ng’om ni aba,Ento ju m’elamu ebinyothogi cen.
מ [Mem]
23 Yehova telo wi dagutielo pa ng’atini*Kan anyong’a unege i kum yo pa ng’atune.
24 Kadok nwang’u ekier, ebipodho ngo arieba wang’e,Kum Yehova umaku cinge.*
נ [Nun]
25 Naka abino aradu man kawoni atii,Ento aneno ngo won bedopwe moko ma juwenjo,Kadi nyithindhe m’ubeyenyo cam.*
26 Saa ceke emiyo ku berocwinye,Man nyithindhe gibinwang’u mugisa.
ס [Samekh]
27 Lokiri cen kud i kum gin ma rac man tim gin ma ber,E ibibedo nja.
28 Kum Yehova umaru lembe m’atira,Man ebiwenjo ngo ju ma gibegwoko bedoleng’ migi ire.
ע [Ayin]
Gibibedo agwoka saa ceke;Ento jubinyotho nyikway jutimrac cen.
29 Weg bedopwe gibicamu ng’om ni aba,Man gibikwo i wiye mi nja.
פ [Pe]
30 Dhu won bedopwe wodho rieko,*Man lebe weco iwi lembe m’atira.
31 Cik pa Mungu pare n’i adundene;Tiende bikier ungo.
צ [Tsade]
32 Jatimrac neno won bedopwe cuu,M’eyenyo ko nia enege cen.
33 Ento Yehova biwenje ngo i cing’ ng’atunoKadi ebinwang’u ngo nia e jakosa kinde ma jupoko lembe i wiye.
ק [Kof]
34 Gen Yehova man lub yo pare,Ebidodi kara icam ng’om ni aba.
Kinde ma jubenyotho jutimrac, ibineno maeno.
ר [Rec]
35 Aneno jatimrac ma kisa mbe i iyeUbejany calu yen m’udinyo i ng’om m’etwii i iye.
36 Ento rek kumeni erwinyo man ekadhu;Ayenye kpe re anwang’e ngo.
ש [Sin]
37 Nen cuu ng’atu ma lembe mbe i wiye,*Man keth weng’i kilili i kum ng’atu m’atira,Kum kwiyocwiny re m’ukuro ng’atu maeno.
38 Ento jubinyotho judubo ceke;Jubikabu anyim mi jutimrac.
ת [Taw]
39 Both mi weg bedopwe ai i bang’ Yehova;En e ot ma tek migi i saa mi can.
40 Yehova bikonyogi man ebilarugi.
Ebilarugi kud i cing’ jutimrac man ebibodhogi,Kum gipondo i bang’e.
Korolembe mi There
^ Kunoke “Kumi kud uceki.”
^ I dhu Juebrania: “Ng’iel yo peri iwi.”
^ Kunoke nyo “Ng’eicwiny kud umeki, kum ecopo teri kende kende i lembe ma rac.”
^ Kunoke “giciko thondh.”
^ I dhu Juebrania: “nindo mi ju ma lembe mbe i wigi.”
^ Kunoke “nyutho bero.”
^ Kunoke “ketho dagutielo pa ng’atini cungo nging’ nging’.”
^ Kunoke “ubetiele ku cinge.”
^ I dhu Juebrania: “mukathi.”
^ Kunoke “yero rieko ku dwal ma piny.”
^ Kunoke “ng’atu m’ugwoko bedocu pare.”
