Zaburi 4:1-8
Ni jatel wi wer; juwere ku jamgoyo wer ma juthondhe. Wer pa Daudi.
4 Kinde m’abelwong’i, dwok ira lembe, E Mungu para ma pwe.
Yab ira yojboth* i can para.
Nyuth ira bero man winj rwo para.
2 Wun wu wot dhanu, wubimeduru niwilo yung para ku lewic nitundo awene?
Wubimeduru nimaru gin ma tije mbe man nisayu ka lemandha ngo nitundo awene? (Sela)
3 Wung’ey nia Yehova bitimo lembe ni won bedopwe pare i ayi ma segi;*Yehova biwinja kinde m’alwong’e.
4 Ng’eicwiny umakwu, ento kud wudubi.
Wuyer lembe mwu i adundewu iwi kavuto mwu, man wubed ling’. (Sela)
5 Wuthier lam mi bedopwe,Man wuketh genogen mwu iwi Yehova.
6 Dhanu dupa gibewacu kumae: “Ng’a ma binyutho iwa gin moko ma beri?”
Wek der mi weng’i urieny i wiwa, E Yehova.
7 Ipong’o adundena kud anyong’a ma ditMa sagu mi dhanu ma udi migi pong’ ku nying cam man ku pigulok ma nyen.
8 Abivuto man abinindo i kwiyocwiny,Pilembe in kendi, E Yehova, re m’iketho abekwo museme.
Korolembe mi There
^ I dhu Juebrania: “Yik ira kaka ma lac.”
^ Kunoke “bikoyo ng’atu ma pwe pare; biketho ng’atu ma pwe pare ang’et ire.”
