Zaburi 44:1-26
Ni jatel wi wer. Pa wot Kora. Maskil.*
44 E Mungu, wawinjo ku ithwa giwa,Kwaruwa gikoro iwaGin m’itimo i nindo migi,I nindo ma yang’ con.
2 Iriemo thek ku cingiMan iketho kwaruwa gibedo keca.
Irungo i thek man iriemogi cen.
3 En e nikum palamularu migi ngo re ma gimaku ng’ombe,Man botgi gigi ngo re m’ukelo igi aloci.
Ento en e nikum cingi ma yor acwic ku boti man der m’i weng’i,Kum anyong’a unegi i kumgi.
4 In Ubimo para, E Mungu;Ng’ol* aloci ma zoo* ni Yakobo.
5 Nikum tego peri, wabiriemo jukwor m’ubino i kumwa;I nyingi, wabinyono ju ma giai i kumwa.
6 Kum ageno ngo athero para,Man palamularu para copo bodha ngo.
7 In re m’ibodhowa kud i cing’ jukwor mwa,In re m’inyayu lewic iwi ju m’udaguwa.
8 Wabipaku Mungu dieceng’ duu,Man wabipaku nyingi nja. (Sela)
9 Ento kawoni ibayuwa man inyayu lewic i wiwa,Man dong’ iwok ungo karacelo kud udul mony mwa.
10 Iketho waberingo kud i wang’ jukwor mwa;Ju ma gidaguwa gibecoko piny ceke ma gimaru.
11 Icibowa kara jucamwa calu rombe;Ilaluwa i kind thek.
12 Ilworo dhanu peri ku welpiny ma nok magwei;Inwang’u faida moko ngo i lworne.*
13 Inyayu lewic i wiwa i wang’ judhugola mwa,Man iketho wadoko ni jamcac man jamng’iero ni dhanu ceke m’utwodowa.
14 Idwokowa ni jamcac* i kind thek,Wadoko ni gin ma dhanu yengo wigi i kume.
15 Lewic unega dieceng’ duu,Man lewicne usagu kero para,
16 Pi dwal migi mir ali man mi tang’dhok,Nikum judegi mwa ma gibeculo kwor.
17 Gin maeni ceke utundo i wiwa, re asu wawil kudi ngo,Man waturo ngo lembariba peri.
18 Adundewa ulokere ngo;Tiendwa de ukier ungo kud i yo peri.
19 Ento girungo iwa kaka ma utho kwo i iye;Iumowa ku mudho ma bii.
20 Tek wawil i kum nying’ Mungu mwaKadi tek wathang’u cingwa pi nirwo ni mungu mi juwirok,
21 Nyo Mungu bing’eyo maeni ngo?
Eng’eyo lembamung’a mir adunde.
22 Piri wabeboth abotha ku tho dieceng’ duu;Dhanu ubenenowa calu rombe ma jubecithumo.
23 Ai malu. E Yehova, pirang’o ibemediri ninindo?
Cew! Kud ibaywa mi nja.
24 Pirang’o ikanu weng’i?
Pirang’o iwil i kum can mwa man masendi mwa?
25 Kum jubolowa* piny i utur;Judiyo kumwa i ng’om.
26 Ai malu kum i jakony mwa!
Bodhwa* nikum mer peri ma lokere ngo.
Korolembe mi There
^ Nen Thelembe mi wec.
^ Kunoke “Mii.”
^ Kunoke “both ma dit.”
^ Kunoke “nikum bei migine.”
^ I dhu Juebrania: “lembabola.”
^ Kunoke “jubolo ng’eyong’ec mwa.”
^ I dhu Juebrania: “Warwa.”
