Zaburi 49:1-20
Ni jatel wi wer. Wer pa wot Kora.
49 Wuwinj lembe maeni, wu dhanu ceke.
Wucik ithwu wun ceke ma wubedo i ng’om,
2 Ng’atu ma nok ku ng’atu ma dit,*Jalonyo man jacan bende.
3 Dhoga biweco lembe mi rieko,Man nyamu i lembe mir adundena binyutho nyang’ i lembe.
4 Abiciko itha i kum lembabola;Abikoro the koy para kud adungu.
5 Pirang’o abed ku lworo i saa mi peko,Kinde ma racu* mi ju m’umito ng’iela utieka tingili?
6 Ju ma gigeno jamcing’giMan ma gibeluliri pi lonyo migi ma dit,
7 Ng’atu moko acel de mbe i kindgi ma copo waru umego mokoKadi ma copo miyo jamgony ni Mungu pire,
8 (Bei mi jamgony* pi kwo* migi ni malu ditKetho gicopo romo ngo nja de);
9 Kara ekwo rondo ku rondo man kud enen vur.*
10 Ng’atuman ubeneno nia kadok dhanu ma riek de gibetho;Jakasegu ku ng’atu ma rieko pare mbe gibenyothiri karacelo,Man ukwayu nia giwek jamcing’gi ni jumange.
11 Ku yor i igi nwang’u gimito nia udi migi ubed rondo ku rondo,Hema migi ugal cil i kum dhanu m’utuk ceke.
Gicaku nying’gi i kum piny migi.
12 Ento dhanu, kadok nwang’u juyunge, ebibedo nja ngo,Eloyo ngo yedi ma rwinyo.
13 Eno re m’utie yo mi jukuseguMan mi ju m’ubelubo tokgi, m’anyong’a negogi i kum wec migi ma iye nanu. (Sela)
14 Calu rombe, judaru kethogi niloro i Liel.*
Tho bibedo jakwac migi;Ju m’atira bibimo wigi kugweno.
Jubiruco babang’gi ceke;Kakare ma gibed i kal, Liel* re ma bidoko ot migi.
15 Ento Mungu biwara* kud i tego pa* Liel,*Kum ebimaka kii. (Sela)
16 Lworo kud unegi pilembe nia ng’atu moko ubelony,Pilembe nia dwong’ mi ot pare ubemedere,
17 Kum kinde m’etho ebicidho ngo ku gin moko,Dwong’ pare biloro ngo karacelo kude.
18 Kum saa ma fodi ekwo, efoyere gire.*
(Dhanu yungi kinde ma piny peri nyai.)
19 Re tokcenne elubo tok dhanu m’utuk mi kwaru pare.
Gibineno ngo der kendo nyanok de.
20 Ng’atu m’ubenyang’ ungo i lembe maeni, kadok nwang’u juyunge,Eloyo ngo yedi ma rwinyo.
Korolembe mi There
^ I dhu Juebrania: “Wot kodhi dhanu ku wot dhanu bende.”
^ I dhu Juebrania: “kosa.”
^ Kunoke “war.”
^ Kunoke “ng’eyong’ec.”
^ Kunoke “liel.”
^ Kunoke “Ceol,” niwacu liel mi dhanu ceke. Nen Thelembe mi wec.
^ Kunoke “Ceol,” niwacu liel mi dhanu ceke. Nen Thelembe mi wec.
^ Kunoke “biwaru ng’eyong’ec para.”
^ I dhu Juebrania: “cing’.”
^ Kunoke “Ceol,” niwacu liel mi dhanu ceke. Nen Thelembe mi wec.
^ Kunoke “efoyo ng’eyong’ec pare.”
