Zaburi 50:1-23
Wer p’Asaf.
50 Yehova ma en e Mungu mi mungu* uweco;Ewaku ng’omNiai i wok pa ceng’ nitundo i mwony pa ceng’.*
2 Mungu uberieny niai kud i Sayuni ma en adhura ma leng’ tetete.
3 Mungu mwa bibino man ebibedo ngo ling’.
Mac ma wang’u piny ruk n’i wang’e,Man avuvu ma dit ubekoto i ng’ete gbur.
4 Ewaku polo malu man ewaku ng’om,Kara epok lembe mi dhanu pare, ewacu kumae:
5 “Wucok dhu jupara ma gibegwoko bedoleng’ migi karacelo i bang’a,Gin ma gibetimo lembariba kuda nikadhu kud i lam.”
6 Polo ubetwong’o pi bedopwe pare,Kum Mungu en gire etie Japoklembe. (Sela)
7 “Wuwinji, E dhanu para, man abiweco;E Israel, abituco lembe i kumi.
An a Mungu, Mungu peri.
8 Abejuki ngo pi lam peri,Kadi pi lam m’awang’a peri ma boo ma n’i wang’a saa ceke.
9 Ambe ku yeny mi gamu thwon dhiang’ kud i ot peri,Kadi diegi* kud i dwol peri.
10 Kum yedi ceke mi luli gi para,Kadok lei ma n’i wi gudi elufu acel (1 000).
11 Ang’eyo winyoman acel acel m’i wi gudi;Lei ma wendgi kwanere ngo mi lum gi para.
12 Ka nwang’u kec ubenega, nwang’u ayero ngo iri,Kum ng’om man piny ceke m’i iye tie para.
13 Nyo abicamu ring’ thwoni dhieng’Man abimadhu rimb diegi?
14 Thier foyofoc re m’ubed ni lam peri ni Mungu,Man pong’ lembang’ola peri ma ku kwong’ m’ing’olo ni Ng’atu ma Malu ngbir;
15 Lwong’a i nindo mi can.
Abileri man ibiyunga.”
16 Ento Mungu biwacu ni jatimrac kumae:
“Ng’a m’umiyo iri twero mi weco pi telowic paraMan mi yero pi lembariba para?
17 Kum idagu twiny,*Man ibeloko ng’eyi ni lembe para.*
18 Kan ineno jakwo, icwake,*Man idikiri ku weg abor.*
19 Itiyo ku dhogi pi nimewo lembe ma rac,Man vupo umoko i kum lebi.
20 Ibedo man iweco rac i kum umeru ma buu;Ituco wi kosa pa* wod meru ma buu.
21 Kinde m’ibino timo lembe maeno, abedo ling’,E iparu nia atie ve in.
Ento kawoni abijuki,Man abiyabu kesi para i kumi.
22 Akwayuwu wupar i lembe maeni, wun ma wiwu wil pi Mungu,Kan ungo abiyeco iwu nziki nziki ma ng’atu moko mbe ma bilaruwu.
23 Ng’atu m’ubethiero foyofoc ni lam pare, nwang’u ebeyungo an,Man ng’atu m’ubelubo gengi m’atira keAbiketho ebineno both pa Mungu.”
Korolembe mi There
^ Kunoke “Ng’atu ma jatego, Yehova Mungu.”
^ Kunoke “Niai yo nyangu nitundo yo reto.”
^ I dhu Juebrania: “nyogi diegi.”
^ Kunoke “ponji.”
^ I dhu Juebrania: “ibebayu lembe para i ng’eyi.”
^ Kunoke “idikiri kude.”
^ Kunoke “gier.”
^ Kunoke “Icido.”
