Zaburi 58:1-11
-
Mungu ma poko lembe iwi ng’om unuti
-
Rwo mi kwayu jumii matira ni jutimrac (6-8)
-
Ni jatel wi wer; juwere ku dwal mi “Kud inyothi.” Miktam* pa Daudi.
58 Nyo wucopo weco pi bedopwe kinde ma wubedo ling’i?
Nyo wucopo poko lembe atira wun wu wot dhanu?
2 Kakare nitimo kumeno, wubepangu i adundewu nitimo lembe ma pwe ngo,Man cingwu ubenyayu rop i ng’om.
3 Jutimrac ginyothiri niai i nyoliri migi;*Gi jujai man jundra niai ma ginyoliri.
4 Kwir migi calu kwir pa thwol;Gitie udhing’ calu urobi ma culo ithe cen.
5 Ebiwinjo ngo dwand jutimthangu,Kadok nwang’u giberambu ku bodho.
6 E Mungu, oy lakgi kud i dhoggi!
Tur ding umvor* maeni, E Yehova!
7 Dong’ girwiny calu pii ma mol cen.
Dong’ egom athero pare man eketh gipodh kud athero pare.
8 Wek gibed calu dholu ma leny kinde m’ebewotho;Calu nyathin m’utho kud i min m’uneno ngo ceng’ nyanok de.
9 Ma fodi maj ukudho uledho ngo agulu mwu,Mungu biweyo jange ma numu ku m’umaku mac ceke ku yamu ma tek.
10 Anyong’a binego won bedopwe pilembe eneno culo kwor;Tiende bijom i rimb jutimrac.
11 E dhanu biyero kumae: “Andhandha sukulia nuti ni weg bedopwe.
Mungu nuti andha ma poko lembe iwi ng’om.”
Korolembe mi There
^ Nen Thelembe mi wec.
^ I dhu Juebrania: “niai i usau nyodo.”
^ Kunoke “nyithindh umvor ma ng’utgi jumuzuga.”