Zaburi 6:1-10
Ni jatel wi wer; jugoye ku jamgoyo wer ma juthondhe ma juciko iwi Sheminith.* Wer pa Daudi.
6 E Yehova, kud ijuka i saa mi ng’eicwiny peri,Man kud itwinya kinde ma kwinyo meki.
2 Nyuth ira bero,* E Yehova, pilembe tego para ubethum.
Key kuma, E Yehova, pilembe cogona ubemiel.
3 Eyo, wiya* unyothere lee dit,Man abepenji, E Yehova, ebimedere nitundo awene?
4 Loki man ilara,* E Yehova;Bodha nikum mer peri ma lokere ngo.
5 Kum jucopo weco* piri ngo i tho;Man ng’a ma bipeki i Lieli?*
6 Tego para uthum nikum cur m’acur ko;Diewor traka atobo kavuto para ku piwang’a;*Man atobo kabedo para ku wak.
7 Tego mi wang’a uthum nikum can para;Ecido* nikum dhanu ceke m’ubesenda.
8 Wuai cen kud i vuta, wun ceke ma wutimo lembe ma reco,Kum Yehova biwinjo dwal mi wak para.
9 Yehova biwinjo kwac para;Yehova bijolo rwo para.
10 Jubinyayu lewic iwi judegi para ceke man lworo bimakugi;Gibidok ku ng’eygi nikum lewic m’unyay i wigi rek.
Korolembe mi There
^ Nen Thelembe mi wec.
^ Kunoke “kisa.”
^ Kunoke “ng’eyong’ec para.”
^ Kunoke “ilar ng’eyong’ec para.”
^ Kunoke “jucopo poy.”
^ Kunoke “Ceol,” niwacu liel mi dhanu ceke. Nen Thelembe mi wec.
^ I dhu Juebrania: “aketho kavuto para ukwang’.”
^ Kunoke “Etii.”
