Zaburi 60:1-12
Ni jatel wi wer; ma juciko iwi “Thiwe mi poy.” Miktham.* Pa Daudi. Ma pi ponji. Kinde m’ekiedo i dhu Aram-naharaim man Aram-Zoba man Yoab uloko man enego Juedom elufu apar ario (12 000) i Poga mi Kadu.
60 E Mungu, ikunowa; ikaku kindwa.
Ng’eicwiny unegi i kumwa; ento kawoni jolwa i beng’i.
2 Iketho ng’om uyengere; ikaku iye dra.
Cul wang’e m’umor, kum eberwombere.
3 Iketho dhanu peri gineno can ma yawe mbe.
Iketho wamadhu pigulok m’uketho wabewotho thambathamba.
4 Tim* lanyuth ni ju ma gibelworiKara giringi man giuc athero. (Sela)
5 Kara ju m’imaru gibothi,Bodhwa ku cingi mir acwic man dwok iwa lembe.
6 Mungu ma leng’ uwacu kumae:*
“Anyong’a binega nimiyo Cekem ni giralaga,Man abipimo Poga* mi Sukoth.
7 Gilead en e para, tap calu ma Manase de para,Efraim tie sabu* m’i wiya;Yuda ke tie uluth mi bim para.
8 Moab en e sani mi logo para.
Abibolo wara para iwi Edom.
Abikok ku kok mir aloci iwi Filistia.”
9 Ng’a ma bitera i adhura ma jutieko?*
Ng’a ma bitera bor nitundo i Edomi?
10 Nyo tie in ungo m’iwenjowa, E Mungu,Mungu mwa ma dong’ cidho ngo kud udul askari mwa?
11 Konywa i masendi mwa,Kum both ma ai i bang’ dhanu tije mbe.
12 Nikum Mungu wabinwang’u tego,Man ebinyono judegi mwa i the tiende.
Korolembe mi There
^ Nen Thelembe mi wec.
^ Kunoke nyo “Itimo.”
^ Kunoke nyo “Mungu uwacu kumae niai kud i kabedo pare ma leng’.”
^ Kunoke “Pambu mi poga.”
^ I dhu Juebrania: “ot ma tek.”
^ Kunoke nyo “ma judwoko tek.”
