Zaburi 61:1-8
-
Mungu tie ot ma wiw ma tek i dhu judegi
-
“Abibedo welo i hema peri” (4)
-
Ni jatel wi wer; juwere ku jamgoyo wer ma juthondhe. Pa Daudi.
61 Winj wak para m’abekwayu ko kony, E Mungu.
Cik ithi iwinj rwo para.
2 Kinde ma dong’ adundena mbe ku genogen*Abiwak i beng’i niai kud i ajiki mi ng’om.
Tera iwi cana m’udongo lir lir nisaga.
3 Kum itie kapondo para,Ot ma wiw ma tek ma gwoka ni jadegi.
4 Abibedo welo i hema peri nja ku nja;Abipondo i the tipo vombi. (Sela)
5 Kum in, E Mungu, iwinjo lembang’ola para ma ku kwong’.
Imiyo ira giralaga m’igwoko ni ju ma lworo nyingi.
6 Ibimedo nindo mi kwo* p’ubimo,Man oro pare bimedere cil i kum dhanu m’utuk ceke.
7 Ebijany* iwi komker nja ku nja i wang’ Mungu;Mii ire* mer ma lokere ngo man bedoleng’ kara gigwoke.
8 E abiwero wer mi pak* ni nyingi nja ku njaKinde ma kubang’ ceng’ abepong’o lembe m’ang’olo ku kwong’.
Korolembe mi There
^ Kunoke “adundena voc.”
^ I dhu Juebrania: “nindo.”
^ Kunoke “Ebibedo.”
^ Kunoke “Or.”
^ Kunoke “abigoyo mizik.”
