Zaburi 62:1-12
Ni jatel wi wer; pa Yeduthun.* Wer pa Daudi.
62 Eyo, abekuro* Mungu ling’ ling’.
Both para ai i bang’e.
2 Eyo, etie cana para man both para, kapondo para ma museme;*Kuma bimiel ungo nisagu.
3 Wubicoruru iwi ng’atini nitundo awene kara wunege?
Wun ceke wudoko ni ariti calu gang’ m’uleng’ere, calu gang’kidi m’udhingo rwombere.*
4 Kum gibeporo thelembe karacelo pi nibole piny kud i kabedo pare ma malu;*Anyong’a negogi nicwayu ndra.
Gimiyo mugisa ku dhoggi, ento nwang’u yor i igi gibelamu alam. (Sela)
5 Eyo, abekuro Mungu ling’ ling’*Kum genogen para ai i bang’e.
6 Eyo, etie cana para man both para, kapondo para ma museme;Kuma bimiel ungo nyanok de.
7 Both para man dwong’ para ai i bang’ Mungu.
Mungu en e cana para ma tek man kapondo para.
8 Wugene saa ceke, E dhanu.
Wukonj adundewu i wang’e.
Mungu en e kapondo mwa. (Sela)
9 Wot dhanu gitie ndhu yuyo,Wot dhanu gitie awonde.
Ka jukethogi karacelo iwi kilo, giyot nisagu yuyo ma yuyo e.
10 Kud iketh genogen peri iwi avureKadi kud ibed ku genogen ma iye nanu iwi kwo.
Tek jamcingi ubemedere, kud iketh adundeni i wiye.
11 Mungu uweco wang’ acel, wang’ ario awinjo, eyero kumae:
Tego en e pa Mungu.
12 Mer ma lokere ngo bende tie peri, E Yehova,Kum iculo ni ng’atuman calku timo pare.
Korolembe mi There
^ Nen Thelembe mi wec.
^ Kunoke “ng’eyong’ec para ubekuro.”
^ Kunoke “kaka ma malu.”
^ Kunoke nyo “Ng’atuman m’i kindwu tie ve gang’ m’uleng’ere, gang’kidi m’udhingo rwombere.”
^ Kunoke “kud i dwong’ pare.”
^ Kunoke “kur ling’ ling’, E ng’eyong’ec para.”
