Zaburi 63:1-11
Wer pa Daudi, kinde m’ebino i langa mi Yuda.
63 E Mungu, in i Mungu para, abesayu kakeri saa ceke.
Rieu ubenega* piri.
Tegona* thum nikum aveni m’unega leeI ng’om m’uthwo man ma ngele kaka ma pii mbe i iye.
2 Pieno, aneni i kabedo ma leng’;Aneno tego peri man dwong’ peri.
3 Calu ma mer peri ma lokere ngo tie ber nisagu kwo,Dend dhoga biyungi.
4 Pieno, abipeki i kwo para zoo;Abilwong’o nyingi kinde m’ating’o cinga aberwo.
5 Ayeng’* kud unding’ ma beco man m’ang’iya,*Pieno, dhoga bipeki ku mutoro iwi dend dhoga.
6 Apoy piri kinde m’an’i wi kavuto para;Aparu kilili piri i saa mi kur mi diewor.
7 Kum in i jakonyna,Man akok kud anyong’a i the tipo vombi.
8 Amoko* kikiki i kumi;Cingi mir acwic umaka kii.
9 Ento ju m’uyenyo ginyoth kwo para*Gibiloro piny i the ng’om.
10 Jubimiyogi ni tego mi lak palamularu;Gibidoko ni cam ni utho.*
11 Ento anyong’a binego ubimo nikum Mungu.
Mutoro binego ng’atu moko ci m’ubekwong’o kwong’ ku nyinge,*Kum jubimiyo dhu ju m’ubecwayu ndra.
Korolembe mi There
^ Kunoke “Rieu ubenego ng’eyong’ec para.”
^ I dhu Juebrania: “Ring’ kuma.”
^ Kunoke “Ng’eyong’ec para yeng’.”
^ I dhu Juebrania: “calu ve ku miyo.”
^ Kunoke “Ng’eyong’ec para moko.”
^ Kunoke “ginyoth ng’eyong’ec para; ginega.”
^ Kunoke “nzer.”
^ Kunoke “Ng’atu moko ci m’ubekwong’o kwong’ ku nyinge bilulere.”
