Zaburi 69:1-36
Ni jatel wi wer; ma juciko iwi “Thiwe.” Pa Daudi.
69 Bodha, E Mungu, kum pii ubeyenyo thung’a.*
2 Amwony vuc i ucodho ma thuc, ma ng’om m’uthwo mbe i iye.
Awok kaka ma pii thuc i iye,Man angongo pii m’ubecorere umola cen.
3 Adaru ol ku kok;Dwanda ruu.
Wang’a jony kinde m’abekuro Mungu para.
4 Wend ju m’udaga mananuTie lee nisagu yuk wiya.
Ju ma gimito ginyotha cenMan ma gi judegina ma thelembene mbe gidoko dupa.
Juketho acul kawang’ gin m’akwalu ngo.
5 E Mungu, ing’eyo kasegu para,Man kier para pondo ngo i weng’i.
6 Timba lewic kud unyay iwi ju m’ugeni nikuma,E Rwoth Ubimo ma Malu ngbir, Yehova mir udul.
Timba ju m’ubeyenyo kakeri kud gidok pang’ pang’ nikuma,E Mungu mir Israel.
7 Jubecida piri;Lewic uumo wang’a.
8 Adoko jakamange ni umego para,Man jawirok ni wot maa.
9 Amora m’atie ko pi ot peri uliel i iya,Man cac mi ju m’ubeceyi udwogo i wiya.
10 Kinde m’akwiro cam* m’abejwigara ko gira,*Jucaya pi lembene.
11 Kinde m’adwoko kendi mi saki ni bongu para,Adoko ni jamng’iero* igi.
12 Ju ma gibedo i dhugang’ mir adhura gibeweco ku nyinga,Man adoko ni wer ni jumer kong’o.
13 Ento wek rwo para utund i beng’iI saa ma ber iri, E Yehova.
Nikum mer peri ma lokere ngo ma dit, E Mungu,Dwok ira lembe ku tic mandha mi both peri.
14 Lara kud i usabu;Kud iwek amwony.
Lara kud i cing’ ju m’udagaMan kud i pii ma thuc.
15 Kud iwek pii ma dit m’ubecorere umola cen,Kadi kud iwek kaka ma thuc umwonyaKadi vur* ucik dhoge i wiya.
16 Dwok ira lembe, E Yehova, kum mer peri ma lokere ngo e ber.
Lokiri i bang’a nikum kisa peri ma dit,
17 Man kud ikan weng’i ni jatic peri.
Dwok ira lembe pio pio, kum an’i can.
18 Cor ceng’ini kuda man ilara;*Wara kud i cing’ judegina.
19 Ing’eyo cac para, acidi ma jubecida ko man lewic ma jubenyayu i wiya.
Ibeneno jukwor para ceke.
20 Cac unyayu rem i adundena man rembe copo key ungo.*
Ageno nyo kisa binego ng’atu moko i kuma, ento ng’atu ma kisa nego de mbe,Man ageno nyo jubijuko cwinya, ento anwang’u ngo jajuk moko.
21 Ento kaka cam, gimiyo ira adra,*Man pi rieyo m’ubenega gimiyo ira giramadha ma wac.
22 Wek foc* migi udok ni uwic igi,Man lonyo migi udok ni uwic.
23 Wek wang’gi ucid bii kara kud ginen piny,Man keth cong’gi* umiel saa ceke.
24 Konj ng’eicwiny peri i wigi,Man dong’ kwinyo peri m’ubogere ucorere i wigi.
25 Wek kagonjo migi* udok ni uvuru;Man dong’ ng’atu moko kud ubed i hema migi.
26 Kum giberiemo tok ng’atu m’igoyo,Man gibemediri niyero pi remo mi ju m’inyayu ret i kumgi.
27 Med kosa mange iwi kosa migi,Man kud ikwangi ni weg bedopwe.
28 Dong’ juweygi cen kud i buku mi ju ma kwo,*Man dong’ kud jukiew nying’gi i kind weg bedopwe.
29 Ento an’i masendi man an’i litho.
Dong’ tego peri m’ibodho kojo ugwoka, E Mungu.
30 Abiwero wer mi pak ni nying’ Mungu,Man abidwoko foyofoc ire pi niyunge.
31 Lembuno binyayu anyong’a i Yehova nisagu thwon dhiang’,Nisagu nyathi thwon dhiang’ ma tie ku tunge man ubong’ tiende.
32 Ju ma mol gibineno lembene man anyong’a binegogi.
Wun ma wubeyenyo kaka Mungu, dong’ adundewu unwang’ kero kendo.
33 Kum Yehova ubewinjo jucan,Man ebicayu ngo dhanu pare ma gi ng’eca.
34 Wek polo ku ng’om gipake,Man nam ku piny ceke ma wotho i igi.
35 Kum Mungu bibodho SayuniMan ebigiero kendo adhura mi Yuda,E dhanu pare gibibedo i iye man ebibedo* giralaga migi.
36 Nyikwayu mi jutic pare gibilagu ng’ombe,Man ju m’umaru nyinge gibibedo i iye.
Korolembe mi There
^ Kunoke “pii umondo i bang’ ng’eyong’ec para.”
^ Kunoke nyo “Kinde m’awak man akwiro cam.”
^ Kunoke “m’abejwigo ko ng’eyong’ec para.”
^ I dhu Juebrania: “lembabola.”
^ Kunoke “vuj pii.”
^ Kunoke “Cor ceng’ini ku ng’eyong’ec para man iware.”
^ Kunoke “man dong’ adhingo ting’o cwinya.”
^ Kunoke “yendadra.”
^ I dhu Juebrania: “meza.”
^ I dhu Juebrania: “piergi.”
^ Kunoke “kagonjo ma jutieko ku gang’kidi.”
^ Kunoke “buku mi kwo.”
^ Niwacu ng’ombene bibedo.
