Zaburi 7:1-17
-
Yehova tie Japoklembe ma pwe
-
“Pok lembe para, E Yehova” (8)
-
Werwak pa Daudi m’ewero ni Yehova pi lembe pa Kuc ma Jabenjamin.
7 E Yehova Mungu para, apondo i beng’i.
Bodha ni dhanu ceke ma gibenyayu ragedo i kuma man lara.
2 Kan ungo gibiyeco iya* nziki nziki calu umvor,Gibicidho kuda ma ng’atu moko mbe m’ulara.
3 E Yehova Mungu para, tek atimo kosa moko i lembe maeni,Tek atimo ku gondiri,
4 Tek atimo racu ni ng’atu m’utima ber,Kunoke ayaku jadegi para mananu,*
5 Dong’ jadegi uriem toka man emaka;*Wek enyon kwo para i ng’omMan eketh dwong’ para urwiny i utur. (Sela)
6 Ai malu i ng’eicwiny peri, E Yehova;Cung i dhu judegi para ma gitie ku kwinyo i kuma,Cew ira man keth pokolembe ma pwe utimere.
7 Wek thek gicokiri i ng’eti tingili;Man ibilokiri i kumgi niai ku malu.
8 Yehova bipoko lembe iwi dhanu.
Pok lembe para, E Yehova, nimakere ku bedopwe paraMan nimakere ku bedocu para.
9 Akweyi, keth timo ma reco mi jutimrac ujiki.
Ento keth bedopwe ucungi,Pilembe itie Mungu ma pwe ma ng’iyo i adunde man i paru ma thuc m’upondo.*
10 Mungu en e ban para, Jalar mi dhanu m’adundegi atira.
11 Mungu en e Japoklembe ma pwe,Man Mungu twong’o pi pokolembe* pare kubang’ ceng’.
12 Tek ng’atu moko ulokere ngo, epaku palamularu pare;Etelo athero pare man eketho ebedo ayika.
13 Eyiko ire jamlwiny ma nego nek;Eketho athero pare ma lielo mac bedo ayika.
14 Nen ng’atu ma iye teng’ini ku lembe ma rac;Egamu ic mi lembe ma rac man enyolo vupo.
15 Etong’o vur man eroke ma thuc,Ento en gire epodho i vur m’etong’one.
16 Lembe ma rac m’enyayu bidwogo i wiye gire;Man rop pare bidwogo i wiye gire.
17 Abipaku Yehova pi pokolembe pare ma pwe;Abiwero wer mi pak* ni nying’ Yehova ma Ng’atu ma Malu ngbir.
Korolembe mi There
^ Kunoke “gibiyeco ng’eyong’ec para.”
^ Kunoke “m’alund agwoko ng’atu m’ujai ira mananu.”
^ Kunoke “emak ng’eyong’ec para.”
^ Kunoke “ma ng’iyo i adunde man i rong’ini.”
^ Kunoke “coro kwinyo.”
^ Kunoke “abigoyo mizik.”
