Zaburi 75:1-10
-
Mungu poko lembe atira
-
Jutimrac gibimadhu kikombe pa Yehova (8)
-
Ni jatel wi wer. Juwere ku dwal ma “Kud inyothi.” Wer p’Asaf.
75 Wabedwoko foyofoc iri, E Mungu, wabedwoko foyofoc iri;Nyingi ni ceng’ini,Man dhanu ubetwong’o pi tic peri ma wang’u ijo.
2 Iyero kumae: “I ng’ey m’aketho saa mi pokolembe,Apoko lembene atira.
3 Kinde ma ng’om ku dhanu ceke m’ubedo i iye gibino loy,An re m’aketho mbegine ucungo nging’ nging’.” (Sela)
4 Awacu ni ng’atu m’ubelulere kumae: “Kud iluliri,”
Man ni ng’atu ma rac kumae: “Kud idodiri pi tego* peri.
5 Kud idodiri malu nisagu pi tego* peri,Kadi kud iwec ku kuhaya.
6 Kum yung ai ungoYo nyangu, kadi yo reto, kadi yo piny.
7 Kum Mungu tie Japoklembe.
Eloro ng’atu acel piny man edodo ng’atu ma kucelo.
8 Kum kikombe* moko tie i cing’ Yehova;Pigulok ubeyenyo man jujebe ma ber mandha.
Andhandha ebikonje woko,Man jutimrac ceke mi ng’om gibimadhe nitundo i durune.”
9 Ento an, abitwong’o pi lembe maeno pi nja;Abiwero wer mi pak* ni Mungu pa Yakobo.
10 Kum eyero kumae: “Abikabu cen tego* ceke mi jutimrac,Ento abidodo tego mi weg bedopwe.”
Korolembe mi There
^ I dhu Juebrania: “tung’.”
^ I dhu Juebrania: “tung’.”
^ Kunoke “kopo; kalisi.”
^ Kunoke “Abigoyo mizik.”
^ I dhu Juebrania: “tung’.”
