Zaburi 76:1-12
Ni jatel wi wer; juwere ku jamgoyo wer ma juthondhe. Wer p’Asaf.
76 Jung’eyo Mungu i Yuda;Nyinge tie dwong’ i Israel.
2 Otbak pare n’i Salem,Man kabedo pare n’i Sayuni.
3 Kuca eturo i nying athero mi mac mir atumb athero,Ban, palamularu man i atum mi lwiny. (Sela)
4 Iberieny dit apila;*I dwong’ ma sagu gudi m’upong’ ku yedi ma judwaru.
5 Juyaku dhanu ma cwinygi tek.
Ginindo;Jurukara ceke kony migi ubino mbe.
6 Nikum juk peri, E Mungu pa Yakobo,Juring magali man riuni* ceke gipodho bir.*
7 In kendi re m’ing’oyo ndiri.
Ng’a ma copo cungo i wang’ kwinyo peri ma lake teki?
8 Ing’olo lembe niai kud i polo;Lworo ugam umaku ng’om man eling’ ting’
9 Kinde ma Mungu uai malu pi nipoko lembe,Pi nibodho ju ma mol ceke mi ng’om. (Sela)
10 Kum kwinyo mi dhanu bimiyo iri yung;Ibirukiri giri ku dong kwinyo migi.
11 Tim lembang’ola peri ma ku kwong’Ni Yehova Mungu peri man ipong’gi,Wek dhanu ceke ma gin’i ng’ete tingiliGikel giramiya migi ma lworo ubenegogi.
12 Ebinyayu lewic iwi jutelwic ma jukuhaya;*Ebinyayu lworo i jubim mi ng’om.
Korolembe mi There
^ Kunoke “Ironyiri ku der.”
^ Kunoke “kana mi lwiny.”
^ I dhu Juebrania: “gipodho man ginindo.”
^ I dhu Juebrania: “Ebituro tipo jutelwic.”
