Zaburi 86:1-17
Rwo pa Daudi.
86 E Yehova, cik ithi* man dwok ira lembe,Kum can ubenego adundena man a jacan.
2 Gwok kwo* para, pilembe agwoko bedoleng’ para.
Bodh jatic peri m’uketho genogen pare i wii,Kum itie Mungu para.
3 Nyuth ira bero, E Yehova,Kum abekweyi dieceng’ duu.
4 Nyay anyong’a i jatic peri,*Pilembe adwogo* i beng’i, E Yehova.
5 Kum in, E Yehova, i ber man itie ayika niweko lembe;Mer peri ma lokere ngo tie lee dit ni dhanu ceke ma gibelwong’i.
6 Winj rwo para, E Yehova;Man cik ithi iwinj kwac para m’akwayu ko kony.
7 Akweyi i nindo mi can para,Kum ibidwoko ira lembe.
8 E Yehova, i kind mungu ceke, mungu moko mbe ma calu in,Tic moko mbe ma juporo ku tic peri.
9 E Yehova, thek ceke m’icwiyoGibibino man gibirum i weng’iMan gibimiyo dwong’ ni nyingi.
10 Pilembe i dwong’ man itimo lembe ma wang’u ijo;In i kendi m’itie Mungu.
11 Ponja ku yo peri, E Yehova.
Abiwotho i lemandha peri.
Rip adundena* pi nilworo nyingi.
12 Abepeki kud adundena ceke, E Yehova Mungu para,Man abipaku nyingi rondo ku rondo,
13 Kum mer peri ma lokere ngo yor i bang’a tie dit,Man ibodho kwo* para kud i thuc mi Liel.*
14 E Mungu, dhanu ma giweg rikini giai i kuma;Udul mi ju ma kisa mbe i igi gibesayu nikabu kwo para,*Man giwori ngo nyanok de.*
15 Ento in, E Yehova, itie Mungu ma jakisa man jabero,I yoo ni ng’eicwiny man i dwong’ i mer ma lokere ngo man i lemandha.
16 Lokiri i bang’a man nyuth ira bero.
Mii tego ni jatic peri,Man bodh wod ng’eca peri ma nyaku.
17 Nyuth ira giranyutha mi bero peri,Kara ju ma gidaga ginene man lewic umakgi.
Kum in, E Yehova, itie jakonyna man jajuk cwinya.
Korolembe mi There
^ Kunoke “kul kori man iwinji.”
^ Kunoke “ng’eyong’ec.”
^ Kunoke “ng’eyong’ec pa jatic peri.”
^ Kunoke “ating’o ng’eyong’ec para.”
^ Kunoke “Mii ira adunde m’upokere ngo.”
^ Kunoke “ng’eyong’ec.”
^ Kunoke “Ceol,” niwacu liel mi dhanu ceke. Nen Thelembe mi wec.
^ Kunoke “gibesayu ng’eyong’ec para.”
^ Kunoke “gikethi ngo i wang’gi.”
