Zaburi 9:1-20
Ni jatel wi wer; iwi Muth-laben.* Wer pa Daudi.
א [Alef]
9 Abipeki kud adundena ceke, E Yehova;Abikoro pi tic peri ceke ma wang’u ijo.
2 Anyong’a binega man abipor ku mutoro piri;Abiwero wer mi pak* ni nyingi, E Ng’atu ma Malu ngbir.
ב [Beth]
3 Kinde ma judegina giloko ku ng’eygi,Gibikier man gibitho kud i weng’i.
4 Kum icero bang’a i lemkesi para ma kakare;Ibedo iwi komker m’ibepoko lembe ku bedopwe.
ג [Gimel]
5 Ijuko thek man inyotho jutimrac,Iruco nying’gi pi rondo ku rondo.
6 Judegi ginyothiri mi nja;Imugo adhura migi,Man poy ma pigi ceke birwinyo.
ה [He]
7 Ento Yehova ujany iwi komker mi nja;Eketho komker pare ucungo nging’ nging’ pi pokolembe ma pwe.
8 Ebipoko lembe iwi ng’om* zoo ku bedopwe;Ebiketho lembe mi thek upokere atira.
ו [Waw]
9 Yehova bidoko ni kapondo* ma museme ni ju ma jubesendo,Kapondo ma museme i saa mi can.
10 Ju ma ging’eyo nyingi gibigeni;Ibiwenjo ki ngo ju ma gibeyenyo kakeri, E Yehova.
ז [Zayin]
11 Wuwer wer mi pak ni Yehova ma bedo i Sayuni;Wuketh tic pare ung’eyere i kind dhanu.
12 Kum Ng’atu m’uculo kwor pi rimbgi ubepoy pigi;Ebiwil ungo pi wak mi ju ma junyayu can i kumgi.
ח [Heth]
13 Nyuth ira bero, E Yehova; nen can ma ju ma gidaga gibenyayu i kuma,In m’iting’a malu kud i dhugola mi tho.
14 Kara atwong’ pi tic peri m’uromo ku pak i dhugang’ pa Nyasayuni,Man anyong’a nega i kum tic peri mi both.
ט [Teth]
15 Thek gipodho i vur ma gitong’o;Tiendgi gigi umoko i voi ma giciko.
16 Yehova ng’eyere nikum pokolembe m’eketho utimere.
Ng’atu ma rac umoko i uwic mi tic mi cinge gire.
Higayon.* (Sela)
י [Yod]
17 Jutimrac gibiloko ku ng’eygi gibidok yor i bang’ Liel,*Man thek ceke ma giwil i kum Mungu.
18 Ento jubiwil ungo pi jacan saa ceke;Kadi genogen mi ju ma mol birwinyo ki ngo.
כ [Kaf]
19 Ai malu, E Yehova! Kud iwek dhanu ma tho e uloyi.
Dong’ jupok lembe mi thek i weng’i.
20 Nyay lworo i igi, E Yehova,Wek thek ging’ey nia gitie ndhu dhanu ma tho. (Sela)
Korolembe mi There
^ Nen Thelembe mi wec.
^ Kunoke “Abigoyo mizik.”
^ Kunoke “ng’om ma cego piny.”
^ Kunoke “kaka ma malu ma museme.”
^ Nen Thelembe mi wec.
^ Kunoke “Ceol,” niwacu liel mi dhanu ceke. Nen Thelembe mi wec.
