Zaburi 94:1-23
94 E Yehova Mungu ma culo kwor,E Mungu ma culo kwor, rieny!
2 Ai malu, E Japoklembe mi ng’om.
Cul ni jukuhaya gin ma giromo ko.
3 Nitundo awene ma jutimrac, E Yehova,Nitundo awene ma jutimrac gibimediri nibedo kud anyong’a?
4 Gibewoy man gibeweco ku kuhaya;Jutimrac ceke giting’iri gigi.
5 Giberungo i dhanu peri, E Yehova,Man gibesendo giralaga peri.
6 Gibenego dhatho man umondo,Man gibenego nyithikic.*
7 Giwacu kumae: “Yah ubeneno ngo;Mungu pa Yakobo ubedieng’ pire ngo.”
8 Wunyang’ i lembe maeni wun ma rieko mwu mbe;Wu jukusegu wubinyutho nia wutie ku rieko awene?
9 Ng’atu m’ucwiyo* ith, nyo ecopo winjo ngo?
Ng’atu m’ucwiyo wang’, nyo ecopo neno ngo?
10 Ng’atu ma twinyo thek, nyo ecopo jukojo ngo?
En re m’etie ng’atu ma miyo ng’eyong’ec ni dhanu.
11 Yehova ung’eyo paru mi dhanuNia gitie ndhu lietho.
12 Jamutoro tie ng’atu m’itwinyo, E Yah,M’iponjo ku cik peri
13 Pi nimiyo ire bedomoth i nindo mi peko,Nitundo ma jubitong’o vur ni jatimrac.
14 Kum Yehova biweko dhanu pare ngo,Kadi ebiwenjo de ngo giralaga pare.
15 Kum jupoklembe gibipoko lembe kendo atira,Man dhanu ceke m’adundegi atira gibilube.
16 Ng’a ma biai ira i kum judubo?
Ng’a ma bicungo ira i dhu jutimraci?
17 Ka nwang’u Yehova ubino ngo jakonyna,Nwang’u eni dong’ arwinyo.*
18 Kinde m’awacu kumae: “Tienda ubekier,”
Mer peri ma lokere ngo umedere nitiela, E Yehova.
19 Kinde m’adieng’acwiny* unura,*Ijuko cwinya man ikwiyo cwinya.*
20 Nyo komker* ma rac copo bedo karacelo kudiKinde m’ebetiyo ku cik pi nithungo peko?
21 Gibecoriri ku rac iwi won bedopwe*Man gibeng’olo tho iwi ng’atu m’ukoso ngo.*
22 Ento Yehova bidoko ni kapondo* para ma museme,Mungu para en e cana para m’aringo i iye.
23 Ebiketho timo migi ma reco bidwogo i wigi.
Ebikabugi* cen nikadhu kud i racu migi gigi.
Yehova Mungu mwa bikabugi cen.
Korolembe mi There
^ Kunoke “awiya ma weggi tho.”
^ I dhu Juebrania: “m’ucomo.”
^ Kunoke “ng’eyong’ec para rwinyo.” I dhu Juebrania: “nwang’u wiya ling’.”
^ Kunoke “paru ma nyotho wijo.”
^ Kunoke “udoko dit i iya.”
^ Kunoke “Jukocwiny peri ukwiyo ng’eyong’ec para.”
^ Kunoke “jubim; jupoklembe.”
^ Kunoke “ng’eyong’ec pa won bedopwe.”
^ I dhu Juebrania: “Man gibeketho kosa iwi rimo pa ng’atu m’ukoso ngo.”
^ Kunoke “kaka ma malu ma museme.”
^ I dhu Juebrania: “Ebiketho gibiling’.”
