Zaburi 95:1-11
95 Wubin, wakoku kud anyong’a ni Yehova!
Dong’ wakoku ku mutoro ni Cana mi both mwa.
2 Dong’ wabinu i wang’e ku dwoko foyofoc;Dong’ waweru man wakoku ire ku mutoro.
3 Kum Yehova en e Mungu ma dwong’,En e Ubimo ma dwong’ iwi mungu mange ceke.
4 Thuc mi ng’om n’i cinge;Usimburu gudi utie pare.
5 Nam m’ecwiyo utie pare,Man cinge re m’ucwiyo ng’om m’uthwo.
6 Wubin watimu thier* man wakulu korwa i wang’e;Warumu congwa i wang’ Yehova ma Jacwic mwa.
7 Kum etie Mungu mwa,Man watie dhanu mi luba pare,Rombe m’ebegwoko.*
Tin tekene wuwinjo dwande,
8 Kud wudwok adundewu udok nwang’ calu i Meriba,*Man calu i ceng’ mi Masa* i langa,
9 Kinde ma kwaruwu gimulo iya;Gibino ku jiji i wiya, ma ke gineno tic para de.
10 Kum pi oro pier ang’wen dhanu m’utuk maeni gibadhu cwinya,Man ayero kumae: “Gitie dhanu ma saa ceke gibekier i adundegi;Gituc ungo ning’eyo yo para.”
11 Pieno i ng’eicwiny para akwong’o kumae:
“Gibimondo ngo i yom para.”
Korolembe mi There
^ Kunoke “waworu; warwowu.”
^ I dhu Juebrania: “m’i cinge.”
^ Thelembene tie “Dhaw.”
^ Thelembene tie “Amulaic.”
