Zaburi 96:1-13
96 Wuwer wer ma nyen ni Yehova.
Wuwer ni Yehova, wu ng’om ceke.
2 Wuwer ni Yehova; wupak nyinge.
Wutwong’ lembanyong’a mi both pare kubang’ rupiny kubang’ rupiny.
3 Wutwong’ pi dwong’ pare i kind dhanu mi thek mange,Pi tic ma wang’u ijo pare i kind dhanu ceke.
4 Yehova e dwong’ man eromo ku pak lee.
Eromo julwore nisagu mungu mange ceke.
5 Mungu ceke mi dhanu gi mungu ma tijgi mbe,Ento Yehova re m’ucwiyo polo.
6 Dwong’ ku riang’ini n’i kaka ma en’i iye;Tego ku leng’o n’i hekalu pare.
7 Wumii ni Yehova gin m’eromo ko, wu juruot ceke m’i ng’om,Wumii ni Yehova gin m’eromo ko nikum dwong’ man tego pare.
8 Wumii ni Yehova dwong’ m’uromo ku nyinge;Wukel giramiya man wubin i lela pare.
9 Wurum piny ni* Yehova ma wurukuru ma leng’;*Kumwu miel i wang’e, wu ng’om ceke!
10 Wutwong’ i kind thek kumae: “Yehova udoko Ubimo!
Ng’om* ucungo nging’ nging’, ecopo yengere ngo.*
Ebipoko lembe mi* dhanu atira.”
11 Wek anyong’a neg polo, man wek ng’om ubed ku mutoro;Wek nam uwoy man piny ceke m’upong’ i iye.
12 Wek anyong’a neg podho ku gin ceke ma n’i igi.
Man i saa ma rom eno, wek yen ceke m’i luli gikok ku mutoro
13 I wang’ Yehova, kum ebebino,*Ebebino nipoko lembe mi ng’om.
Ebipoko lembe mi ng’om* zoo ku bedopweMan mi dhanu ku bedoleng’.
Korolembe mi There
^ Kunoke “Wutim thier ni.”
^ Kunoke nyo “nikum leng’o pare ma dit.”
^ Kunoke “Ng’om ma cego piny.”
^ Kunoke “kabere ngo.”
^ Kunoke “Ebicero bang’.”
^ Kunoke “edaru bino.”
^ Kunoke “ng’om ma cego piny.”
