Zaburi 97:1-12
97 Yehova udoko Ubimo!
Dong’ anyong’a neg ng’om.
Dong’ anyong’a neg cula dupa.
2 Afuru man mudho ma col bii gidhoke tingili;Bedopwe man pokolembe m’atira gitie kathere mi komker pare.
3 Mac wok kud i wang’eMan ewang’u judegi pare i ng’ete ceke.
4 Lukoth pare caru ng’om;Ng’om nene man kume miel.
5 Gudi giloy calu udok i wang’ Yehova,I wang’ Rwoth mi ng’om zoo.
6 Polo gibetwong’o bedopwe pare,Man dhanu ceke gibeneno dwong’ pare.
7 Dong’ lewic umak dhanu ceke ma gibetimo ni ayi gin m’acwiya m’ang’ika,Dhanu ma gibeluliri pi mungu migi ma tijgi mbe.
Wurum piny i wang’e,* wu mungu ceke.
8 Sayuni ubewinjo man anyong’a ubenege;Adhura* mi Yuda gitie kud anyong’aPi pokolembe peri, E Yehova.
9 Kum in, E Yehova i Ng’atu ma Malu ngbir iwi ng’om ngung’;Idodiri malu bor dit iwi mungu mange ceke.
10 E wun ma wumaru Yehova, wudag gin ma rac.
Egwoko kwo* mi ju ma gigwoko bedoleng’ migi ire;Ebodhogi kud i cing’* ju ma reco.
11 Der uwok ni weg bedopweMan mutoro uwok dhanu m’adundegi atira.
12 Anyong’a unegwu i Yehova, wu weg bedopwe,Man wudwok foyofoc ni nyinge* ma leng’.
Korolembe mi There
^ Kunoke “Wutim thier ire.”
^ I dhu Juebrania: “Anyira.”
^ Kunoke “ng’eyong’ec.”
^ Kunoke “tego mi.”
^ I dhu Juebrania: “poy pare.”
