Zaburi 98:1-9
-
Yehova tie Jalar man Japoklembe ma pwe
-
“Yehova uketho both pare ung’eyere” (2, 3)
-
Wer.
98 Wuwer wer ma nyen ni Yehova,Kum etimo lembe ma wang’u ijo.
Cinge mir acwic, eyo, bote ma leng’ ukelo both.*
2 Yehova uketho both pare ung’eyere;Enyutho bedopwe pare i wang’ thek.
3 Epoy pi mer pare ma lokere ngo man pi bedoleng’ pare ni ot mir Israel.
Gund ng’om ceke gineno both pa Mungu mwa.*
4 Wukok kud anyong’a ni Yehova wu ng’om ceke.
Mutoro negwu, wukok kud anyong’a man wuwer wer mi pak.*
5 Wuwer wer mi pak* ni Yehova kud adungu,Kud adungu man ku dwal mi wer.
6 Kud agwara man dwand bilo,Wukok kud anyong’a i wang’ Yehova ma tie Ubimo.
7 Wek nam uwoy man piny ceke m’upong’ i iye,Ng’om* man piny ceke ma bedo i iye.
8 Wek kulo gipad cing’gi;Wek gudi gikok karacelo kud anyong’a
9 I wang’ Yehova pilembe ebebino* nipoko lembe mi ng’om.*
Ebipoko lembe mi ng’om ku bedopweMan mi dhanu atira.
Korolembe mi There
^ Kunoke “umiyo ire aloci.”
^ Kunoke “aloci pa Mungu mwa.”
^ Kunoke “wugoy mizik.”
^ Kunoke “Wugoy mizik.”
^ Kunoke “Ng’om ma cego piny.”
^ Kunoke “edaru bino.”
^ Kunoke “ng’om ma cego piny.”
