PONJI MIR 13
Kite ma dini mi vupo ubecido ko nying’ Mungu
Mungu en e mer. Re dini dupa m’ubeloko nia gitie dini pa Mungu gibetimo lembe lee dit ma reco. Pirang’o kumeno? I adundo, gitie dini mi vupo. Gibecido nying’ Mungu ku ponji man timo migi. Gibecido nyingene nenedi? Ewinjere nenedi i kum dini mi vupo? Man ebitimo dininegi nenedi?
1. Kite ma dini mi vupo ubecido ko nying’ Mungu ku ponji migi
Dini mi vupo “giwilo lemandha pa Mungu ku vupo.” (Jurumi 1:25) Ku lapor, dini ma pol uponjo ngo nying’ Mungu ni ju migi ma ke Biblia uyero nia wacikara nitiyo ku nying’ Mungu. (Jurumi 10:13, 14) M’umedo maeno, ka lembe moko ma rac utimere ci, judong dini moko giponjo nia eca tie yeny pa Mungu. Eno tie vupo ma rac. Mungu ubenyayu ngo nyanok de lembe ma rac en. (Som Yakobo 1:13.) Lembe mi can utie nia vupo mi dini eno uketho dhanu ma dupa dong’ gimaru ngo Mungu.
2. Kite ma dini mi vupo ubecido ko nying’ Mungu ku timo migi
Dini mi vupo ubetiyo ngo ku dhanu kite ma Yehova betiyo ko. Biblia uyero nia “dubo [mi dini mi vupo] udhurere nitundo i polo.” (Lembanyutha 18:5) Niai con, jurudini gicuku mondo dit i lembgamba (politik) mi ng’om maeni, gibediko cing’gi i lwiny ma tung’ tung’, man gibeketho dhanu dupa dit ubetho kunoke gibecwaku tho migi. Judong dini moko gibedo kwa i kum sayu lonyo uketho saa ceke gibekwayu sente i bang’ julub migi. Timo maeno ceke ubenyutho kamaleng’ nia ging’eyo ngo Mungu kadok nyanok de, man giromo ngo ya gibed jurutic pare.—Som 1 Yohana 4:8.
3. Mungu winjere nenedi i kum dini mi vupo eno?
Ka nyo in de timo mi dini mi vupo ubeton i ii, iparu nia Yehova ke copo winjere nenedi? En emaru dhanu, re edagu judong dini m’ubecido nyinge man m’ubesendo julub migi. Uketho eng’olo nia jubinyotho dini mi vupo man “jubinwang’e kendo ngo.” (Lembanyutha 18:21) Eyo, ceng’ini eni, Mungu binyotho cen dini ceke mi vupo.—Lembanyutha 18:8.
MED NYANG’ PERI
Wakenen lembe mange m’ubenyutho kite ma Mungu winjere ko i kum dini ceke mi vupo. Wanen bende gin ma dini mi vupo utimo, man nia pirang’o lembuno ucikere ngo niceri ku ponjo ng’eyo Yehova.
4. Dini ceke ngo re ma foyo i Mungu
Dhanu ma dupa giyiyo nia dini tie ve gengi ma tung’ tung’ ma terojo i bang’ Mungu. Nyo etie kumeno andha? Som Matayo 7:13, 14, man i ng’eye wuwec iwi penji m’ulubo e:
-
Biblia uyero nia gengi ma terojo i kwo tie nenedi?
Nen VIDEO, man i ng’eye wuwec iwi penji m’ulubo e.
-
Nimakere ku Biblia, nyo dini ma foyo i Mungu tie dupa? Kekor.
5. Dini mi vupo ubeturo cik pa Mungu iwi mer
Dini mi vupo ubecido nying’ Mungu i yore dupa. Yo acel ma rac magwei ma gibecido ko nyinge utie nia gibedikiri i lembe mi lwiny. Pi ning’eyo laporne moko, nen VIDEO. I ng’eye, wuwec iwi penji m’ulubo e:
-
I saa mi lwiny mir ario mi ng’om zoo, dini ma dupa gitimo lembang’o?
-
Paru peri tie ang’o i kum lembe ma gitimone?
Som Yohana 13:34, 35 man 17:16, man i ng’eye wuwec iwi penji m’ulubo e:
-
Iparu nia Yehova winjere nenedi ka jurudini gibemondo i lembe mi lwinyi?
-
Dini mi vupo udaru timo lembe dupa dit ma reco. Kekwan lembe moko m’ineno ubenyutho nia dini ubeturo cik pa Mungu iwi mer.
Dini mi vupo ubeturo cik pa Mungu m’ukwayu nia jumariri i kindjo
6. Mungu ubemito ekony dhanu kara giwoki cen kud i dini mi vupo
Som Lembanyutha 18:4, a man i ng’eye wuwec iwi penji m’ulubo e:
-
Ning’eyo nia Mungu ubemito ebodh dhanu ma dini mi vupo ubewondogi uketho ibewinjiri nenedi?
7. Mediri niponjo lembe iwi Mungu mandha
Nyo ponji man timo ma reco mi dini mi vupo ucikere niketho ibed ku paru ma rac iwi Mungu? Wakemak lapor: Kepar nia nyathin moko ujai magwei i kum ponji mi rieko ma won ubeponje ko. Pieno eweko pacu pagi man kaka m’ecidho i iye, ewok emondo i kura ma reco. Won ke umaru ngo timo pare nyanok de. Nyo juromo wak iwi wego maeno pi timo ma rac pa nyathin pare? Pirang’o jucikiri ngo niwak iwi woni?
-
Nyo ecibedo ber niwak iwi Yehova man niweko ponjo lembe i wiye pi timo ma reco mi dini mi vupo?
DHANU MOKO BEYERO KUMAE: “Dini ceke tie rom pilembe gin ceke giponjo lembe ma beco.”
-
Nyo in de itie ku paru ma rom eno?
-
Kadok dini dupa giloko nia gibeponjo lembe ma beco, pirang’o dini ceke ngo re ma foyo i Mungu?
I ADUNDO
Dini mi vupo ucido nying’ Mungu nikadhu kud i ponji migi mi vupo man timo migi ma reco. Mungu binyotho dini ceke mi vupo.
Penji mi poyowic
-
Paru peri tie ang’o iwi ponji man timo mi dini mi vupo?
-
Yehova ke winjere nenedi i kum dini mi vupo?
-
Mungu bitimo dini mi vupo nenedi?
TIM SAYUSAC
Nen lembe ario m’uketho Mungu udagu dini ma pol.
“Nyo dini ceke rom? Nyo gin ceke giterojo i bang’ Mungu?” (Thiwiwec mi jw.org)
Pirang’o Yehova ubemito nia wawore karacelo ku jumange?
“Nyo pire tie tek nibedo kokoro i dini moko?” (Thiwiwec mi jw.org)
Japadri moko lembe mi dini pare ubed unyang’e ngo. Re lembuno ucere ngo nisayu eng’ey lemandha iwi Mungu.
“Gin m’uketho japadri moko uweko kanisa pare” (Cew!, dwi mir 2, 2015)
Niai con, dini ubecuku ponjo vupo iwi Mungu, uketho dhanu ma pol ging’eyo migi nia Mungu dieng’ ungo pigi man nia cwinye rac. Kenen vupone moko adek man iponj bende lemandha i wigi.
“Vupo ma cero dhanu nimaru Mungu” (Otkur ma Wiw, nindo 1, dwi mir 11, 2013)
a Pi ning’eyo nia pirang’o buku mi Lembanyutha ulwong’o dini ceke mi vupo nia dhaku ma nyinge Babeli ma dit, nen Thenge ma jumedo, mi 1.
