PONJI MI 36

Bed ng’atu m’atira i lembe ceke

NG'II DHOK M'IMARU

Dhanu ceke bemaru gibed ku jurimo m’atira. Yehova bende maru jurimbe gibed dhanu m’atira. Ento etie yot ungo pilembe i ng’om ma wabekwo i iye, dhanu ma pol gitie dhanu m’atira ngo. Re bero mi bedo atira i lembe ceke utie ang’o?

1. Wacikara nibedo dhanu m’atira pi thelembe ma kani ma pire tek nisagu?

Ka watie atira i wang’ dhanu ceke, nwang’u wabenyutho ni Yehova nia wamare man wabewore. Ng’ey nia lembe ceke ma wabeparu ku ma wabetimo ubedo amoya i wang’ Yehova. (Juebrania 4:13) Ka wang’iyo nibedo dhanu m’atira, eneno lembene man anyong’a nege lee. Lembe pare yero kumae: “Yehova dagu weg gondiri, ento enyutho lembamung’a pare ni (niwacu etie jurimb) ju m’atira.”—Lembrieko 3:32, B.L.L.

2. Wacopo nyutho nia watie atira i lembe moko ma kani mi kwo mwa?

Yehova ubemito nia ‘wawec lembe mandha ng’atuman ku wadi man ku wadi.’ (Zekaria 8:16, 17) Niwacu, nik’ebed nia wabeweco ku wedi mwa, jurutic wadwa, umego ku nyimego mwa, kunoke judongo pa Leta, wacikara ngo nicwayu vupo kadi niyero igi lembe moko ma tie kumeca ceke ceke ngo. Bende, dhanu m’atira gikwalu ngo kwo, gitie ngo weg aram, man gikwalu ngo kwan i kalasi. (Som Lembrieko 24:28 man Juefeso 4:28.) M’umedo maeno, dhanu m’atira giculo palatha man karathasi ceke ma Leta ubebanju i bang’gi. (Jurumi 13:5-7) I yo maeno man mange bende, wanyutho nia wabewotho “atira i lembe ceke.”—Juebrania 13:18.

3. Bero mi bedo dhanu m’atira utie ang’o?

Ka dhanu mange ceke ng’eyo nia watie atira, gibigenowa. Bende, wabiketho dhanu ceke mi cokiri giwinjiri ma ber, ma cwinygi kwiyo, tap calu dhanu mi ot acel. Wan giwa de wabibedo ku pidocwiny ma cuu. M’umedo maeno, ka watie dhanu m’atira, ‘wabiruko ponji pa Mungu ma Jalar mwa,’ man wabitelo jumange bende kara gicak timo ni Yehova.—Tito 2:10.

MED NYANG’ PERI

Wakenen kawoni lembe mange iwi kite ma Yehova winjere ko ka watie dhanu m’atira, bero ma waromo nwang’u, man ayi mange ma waromo nyutho ko nia watie dhanu m’atira i lembe ma tung’ tung’ mi kwo mwa.

4. Nibedo dhanu m’atira nyayu mutoro i Yehova

Som Zaburi 44:21 man Malaki 3:16, man i ng’eye wuwec iwi penji m’ulubo e:

Pirang’o etie koso rieko niparu nia wacopo kanu lemandha kara kud ung’eyere?
Iparu nia Yehova copo winjere nenedi ka wabed wayero mwa lemandha kadok kinde m’etie yot ungo nitimo kumeno?

Tekene awiya gibeyero lemandha, ginyayu anyong’a i junyodo migi. Wan bende ka wabeyero lemandha, wabinyayu anyong’a i Wegwa ma Yehova

5. Bed ng’atu m’atira saa ceke

Dhanu ma dupa giparu nia ecopere ngo nibedo atira saa ceke. Ento kenen nia pirang’o wacikara nitimo kero nibedo dhanu m’atira saa moko ci. Nen VIDEO.

VIDEO: Gin ma medo anyong’a—Pidocwiny ma leng’ (2:32)

Som Juebrania 13:18, man i ng’eye wuwec iwi penji ma e: Waromo nyutho nenedi nia watie dhanu m’atira . . .

i ot mwa?
i tic kunoke i kalasi?
i lembe mange?

6. Nibedo dhanu m’atira miyo iwa bero

Ku kwong’a, wacopo nwang’u nia bedo atira romo kelo peko. Ento i ng’eye, wabinyang’ nia karaman etie ber magwei nibedo kwa dhanu m’atira. Som Zaburi 34:12-16, man i ng’eye wuwec iwi penji m’ulubo e: