Mediri nibedo i mer pa Mungu

Biblia utie ku cik mir ukungu man eponjowa ku cik mi kurajo ma konyowa nimedara nibedo i mer pa Mungu.

Barua m’uai i Guriri m’utelowic

Guriri m’utelowic mi Jumulembe pa Yehova ubekwayu dhanu ceke ma gimaru Yehova Mungu giponj kite mi kwo nimakere ku lemandha ma nwang’ere i Lembe pare, Biblia.

WIC MI 1

Mer pa Mungu rio rondo ku rondo

Kara wabed ku winjiri ma ceng’ini man ma tek ku Mungu ubekwayu watim kero lee mandha. Waromo tundo nitimo kerone nenedi?

WIC MIR 2

Bed ku pidocwiny ma ber i wang’ Mungu

Wan ceke Mungu umio iwa pidocwiny kara ukonywa ning’eyo telowic ma walubi i kwo mwa.

WIC MIR 3

Ng’ii jurimbi i kind dhanu m’umaru Yehova

Jurimbwa copo bedo ku matoke ma ber kunoke ma rac i wiwa. Cik mir ukungu mi Biblia copo konyowa nenedi ning’io jurimo ma beco?

WIC MIR 4

Pirang’o ukwayu wawor dito?

Watie ku thelembe ma ber m’uketho wabeworo dito i ot, i cokiri, man i kind dhanu.

WIC MIR 5

Wacopo koyara ku ng’om maeni nenedi?

Yesu uyero ni julubne nia, “wun wu mi ng’om ungo.” I andha ca “ng’om” maeno utie ang’o man pirang’o Jukristu gicikiri nikoc kude?

WIC MIR 6

Kite mi ng’io galuwang’ ma ber

Galuwang’ mi ng’om ubedo ve nying yen ma thenge moko cuu moko ke utop. Ang’o ma bikonyowa ning’io galuwang’ ma cuu man nicerara i kum ma rac?

WIC MIR 7

Nyo ineno kwo calu ma Mungu neno?

Cik mir ukungu makani mi Biblia ma konyowa nimaku yub ma ber iwi rimo?

WIC MIR 8

Yehova ubemito dhanu pare gibed leng’

Cik pa Mungu iwi leng’o umulo kende kende ngo kumwa, kendi mwa, man pacu mwa. Gitie bende ku matoke iwi thier ma watimo, timo mwa, kadok paru mwa bende.

WIC MIR 9

“Wuring tarwang’!”

Dhanu mapol giworo ngo cik pa Mungu iwi ribiri. Tarwang’ utie ang’o, wacopo ringe nenedi?

WIC MIR 10

Gamiri tie giramia m’uai i bang’ Mungu

Gamiri utie ku bero makani? Icopo ng’io jadhogi mi gamiri ku rieko nenedi? Ang’o ma copo ketho gamiri rio?

WIC MIR 11

Nikwo i gamiri i ng’ei nyom

Gamiriman utie ku nindo mi mutoro man mi peko. Kadok ju ma gigamiri ma gitie ku lembe lee i kindgi de, gicopo dogiero gamiri migi udok tek.

WIC MIR 12

Bed iwec wec ma ‘ber ma teng’ojo’

Wec utie ku tego. Wec mwa copo tielo cwiny jumange kunoke timogi rac. Yehova Mungu ubeponjowa ku kite ma wacopo tio ko ma ber ku giramia mi wec.

WIC MIR 13

Nyo timo foc ceke foyo i Mungu?

Timo foc man nindo ma dongo utie lembe ma pigi tek lee mandha i kwo mi dhanu. Nindo moko ma dongo ma tin unyai akeca ucaku nenedi, Mungu ke utie ku nen makani iwi foc ma kumeno?

WIC MIR 14

Bed ng’atu m’atira i lembe ceke

Wakenen yo 4 i kwo mwa ma bedo dhanu m’atira copo bedo iwa tek i ie, man bero ma wanwang’u ka wavoyo pekone.

WIC MIR 15

Nwang’ anyong’a i tic peri

Jacwic mwa ubemito nia wanwang’ anyong’a i tic mwa. Pieno wacopo timo ang’o kara tic mwa umii iwa mutoro lee mandha? Nyo kit tic moko nuti ma Jukristu gicikiri niceriri i kume?