PONJI MIR 02
Biblia ung’olo iwa kwo mir anyong’a pi nindo m’ubino
I wang’ ng’om zoo, dhanu ma pol ubenyego ku kwond peko ma tung’ tung’ m’ubenyayu can i igi, m’ubedieng’o cwinygi man bende m’ubenyayu litho i kumgi. Nyo in de idaru nweng’iri ku lembe ma kumeno? Copere nia ibesendiri ku remokum kunoke nyo ng’atu moko m’imaru utho. Saa moko nyo ibepenjiri kumae: Kwo mwa e bidoko ber nindo moko de? Biblia udwoko wang’ penji maeno i ayi ma juko cwinywa.
1. Biblia umiyo iwa genogen ma kani pi nindo m’ubino?
Biblia ukoro thelembe m’uketho ng’om upong’ ku peko thorukeni; eng’olo bende iwa lembe mir anyong’a, nia pekone tie pi nindo moko kende kum ceng’ini eni Mungu bidarugi pet. Lembang’ola mi Biblia copo miyo iri “genogen” pi nindo m’ubino. (Som Yeremia 29:11, 12.) Lembang’ola mi Biblia konyowa ninyego ku peko mwa ma tin, nikwo ku genogen man anyong’a pilembe wang’eyo nia wabikwo rondo ku rondo.
2. Biblia ung’olo nia lembe bibedo nenedi i nindo m’ubino?
Biblia uyero nia i nindo m’ubino “tho bibedo nuti kendo ngo, kadok lembcan, kadi nduru, kadok remokum de bibedo nuti kendo ngo.” (Som Lembanyutha 21:4.) Kwond peko ceke ma tin ubeungo dhanu, calu ve can, masendi ma jubesendo kojo mananu, remokum man tho bibedo nuti kendo ngo. Biblia ung’olo nia dhanu bikwo kud anyong’a man rondo ku rondo i ng’om maeni ma bidoko Paradizo.
3. Ukwayu watim ang’o kara wabed ku genogen nia lembe ma Biblia ung’olo bitimere andha?
Dhanu ma dupa gitie ku genogen nia nindo moko lembe bidoko ber ma sagu iwi ng’om keni, re ging’eyo ngo nia lembene copo timere andha. Ento ng’ey nia lembe ma Biblia ung’olo timere kwa. Kara watuc nibedo ku genogen nia lembang’ola mi Biblia bitimere andha, kwayu wabed ‘wang’ii i Lembagora cuu.’ (Tic mi Jukwenda 17:11) Kan ibeponjo Biblia, ibicaku neno in giri gin m’unyutho nia lembe ma Biblia ung’olo pi nindo m’ubino utie lemandha.
MED NYANG’ PERI
Wakenen lembe moko ma Biblia ung’olo nia bitimere i nindo m’ubino. Wanen bende kite ma lembe m’eng’olone ubekonyo ko dhanu tin eni nibedo ku genogen.
4. Biblia ung’olo nia wabikwo rondo ku rondo m’umbe masendi kadok nyanok de
Kenen lembe ma Biblia ung’olo ma jurieyo piny e. Ma kani dhe m’ibekuro kud ava nisagu? Pirang’o?
Som giragora ma junyutho i ng’ei lembang’olaman, man wuwec iwi penji m’ulubo e:
-
Nyo giragora maeni umiyo iri genogen moko? Nyo iparu nia giragora maeni copo miyo bende genogen ni juruot peri man jurimbi?
Kenen i paru peri kite ma kwo bibedo ber ko nindo m’ubino i ng’om keni!
|
NG’ATU MOKO ACEL DE MBE . . . |
NG’ATUMAN ACEL ACEL . . . |
|---|---|
|
|
|
|
|
|
|
|
|
|
5. Lembe ma Biblia ung’olo romo kelo alokaloka i kwo peri
Dhanu ma dupa cwinygi udaru tur nikum lembe ma reco ma gibeneno ubetimere i ng’etgi. Jumoko gibenyego ku kero migi ceke pi nikelo alokaloka. Ento lembene ubevoyogi. Wakenen kony ma dhanu ubenwang’u tin eni nikum lembe ma Biblia ung’olo nia kwo bidoko ma ber mandha. Nen VIDEO, man i ng’eye wuwec iwi penji m’ulubo e.
-
I video maeni, kit masendi ma kani m’ubed unyayu can i Rafika?
-
Kadok masendi m’ebed enyego i kume uthum ungo de, re Biblia ukonye. Nenedi?
Ka wageno lembe ma Biblia ung’olo pi nindo m’ubino, wabiweko ngo cwinywa utur magwei man wabikwo kud anyong’a kadok wabenyego ku peko de. Som Lembrieko 17:22 man Jurumi 12:12, man i ng’eye wuwec iwi penji m’ulubo e:
-
Nyo ibeparu nia lembe ma Biblia ung’olo pi nindo m’ubino copo kelo alokaloka i kwo peri? Pirang’o iparu kumeno?
DHANU MOKO BEYERO KUMAE: “Lembe ma Biblia ung’olo pi nindo m’ubino utie vupo.”
-
Pirang’o pire tie tek nia ikesay ning’eyo in giri gin m’unyutho nia andha lembe ma Biblia ung’olo bitimere?
I ADUNDO
Biblia ung’olo lembe dupa ma beco ma biketho wabikwo kud anyong’a mandha nindo m’ubino. Lembe maeno miyo iwa genogen man ekelo alokaloka ma ber i kwo mwa niai kawoni.
Penji mi poyowic
-
Pirang’o dhanu gitie ku yeny mi ng’eyo lembe ma Mungu ng’olo?
-
Biblia ung’olo lembang’o pi nindo m’ubino?
-
Nibedo ku genogen pi nindo m’ubino copo konyi nenedi niai tin eni?
TIM SAYUSAC
Nen kite ma genogen copo konyi ko i saa mi peko.
“Iromo nwang’u genogen mandha kani?” (Cew!, nindo 22, dwi mir 4, 2004)
Nen kite ma genogen copo konyo ko ju ma gitie ku twoyo ma key ungo.
“Nyo Biblia copo konyo ng’atu m’ukwo ku twoyo ma key ungo?” (Thiwiwec mi jw.org)
Kinde m’ibelubo mizik maeni, keketh nia in ku juruot peri wun’i Paradizo ma Biblia ng’olo man wubekwo kud anyong’a.
Som thiwiwec ma piny e, pi nineno kite ma kwo pa ng’atu moko m’ubed unyego pi twero pa dhanu ku pa lei ugam ulokere ko niai m’eponjo lembe ma Biblia ung’olo pi nindo m’ubino.
“Anwang’u nia dong’ acopo loko ngo lembe mi ng’om” (Otkur ma Wiw, nindo 1, dwi mir 7, 2013)
