Nyo jum’utho gicopo nikwo kendo andha?
Nyo, ibeparu nia . . .
-
eyo?
-
ungo?
-
saa moko?
KENEN GIN MA BIBLIA YERO E
“Cer bibedo nuti.”—Tic mi Jukwenda 24:15, The Holy Bible in Alur.
BERO MA ICOPO NWANG’U KAN IYIYO LEMBE MAENI
Ibinwang’u jukojuk kinde ma jurimbi kunoke wat peri moko tho.—2 Jukorinto 1:3, 4.
Ibilworo tho kendo ngo.—Juebrania 2:15.
Ibibedo ku genogen mandha mi jolo jurimbi man wat peri ma githo.—Yohana 5:28, 29.
NYO, WACOPO NIYIYO GIN MA BIBLIA YERO ENO?
Eyo. Wacopo niyiyo ponji maeno mi Biblia pi thelembe moko ma e:
-
Mungu re m’ucwiyo kwo mi dhanu. Biblia lwong’o Yehova Mungu “kulo [kunoke acaki] mi kwo.” (Zaburi 36:9; Tic mi Jukwenda 17:24, 25) Calu en re m’emio kwo ni giracwia ceke, ecopo bende nidwoko ng’atu m’utho ubed kwo kendo.
-
Yang’con Mungu ubed ucero dhanu m’utho. Biblia uweco pi dhanu abora ma tung’ tung’ ma gicer man gimediri ni kwo kendo iwi ng’om. Jumoko ubedo aradu man jum’utii, jumoko ke dhanu ma coo man dhanu ma mon. Jumoko mi kindgi gicer saa ma nyanok kende ing’ei tho migi, ento makucelo ucer ing’ei daru bang’ ang’wen i liel!—Yohana 11:39-44.
-
Mungu tie kud ava akeca mi cero kendo jum’utho. Yehova udagu tho magwei; enene ni jakwor. (1 Jukorinto 15:26) Etie kud ava akeca mi kabu jakworne, man ebikabe nikadhu kud i cer. Etie kud ava ma dit mi cero jum’utho ceke ma ebegwoko nying’gi i poi pare kara gidok gikwo kendo iwi ng’om.—Yob 14:14, 15.
ICOPO NI PENJIRI KUMAE
Pirang’o dhanu betii man gibed githo?
Biblia udwoko wang’ penji eno i THANGAMBERE 3:17-19 man JURUMI 5:12.
Nen bende
ESSENTIAL BIBLE TEACHINGS
Nyo jum’utho ging’eyo lembe moko de?
Biblia ung’olo nia nindo moko nuti ma dhanu dupa bicer i ie, tap calu ma Lazaru de ugam ucer.
DWOKOWANG’ PENJI MI BIBLIA
Cer tie girang’o?
Iromo zungo ning’eyo nia jukani ma gibicer i nindo m’ubino.
WATIE JUKANI?
Pirang’o ukwayu niponjo Biblia?
Biblia udwoko wang’ penji ma dongo dongo ma dhanu milioni dupa iwi ng’om zoo gipenjiri ko iwi kwo. Nyo in de imaru ibed ng’atu acel m’i kindgi?
