Ker pa Mungu tie Ang’o?
Nyo ibeparu nia etie . . .
-
piny moko ma ni i adunde?
-
wec moko mi lapor?
-
bimobim mi polo?
KENEN GIN MA BIBLIA YERO E
“Mungu mi polo biketho ker ma binyotre ngo rondo ku rondo.”—Daniel 2:44, The Holy Bible in Alur.
“Nyathin ma nico mire iwa; e bim bibedo wi goke.”—Isaya 9:6.
KER MAENO BITIMO IRI ANG’O
-
Ebikelo bimobim mi bedopwe ma bitimo iri lembe dupa ma beco.—Isaya 48:17, 18.
-
Ebikelo iri kwo ma leng’ man mir anyong’a i ng’om ma nyen.—Lembanyutha 21:3, 4.
NYO, WACOPO NIYIYO GIN MA BIBLIA YERO ENO?
Eyo, pi thelembe moko ario ma e:
-
Yesu ugam unyutho gin ma Ker pa Mungu bitimo. Yesu ponjo julubne girwo nia Ker pa Mungu ubin man nia yeny pa Mungu utimere iwi ng’om. (Matayo 6:9, 10) Yesu ugam unyutho kite ma wang’ rwo maeno bidwokre ko.
Saa ma ebino i ng’om, Yesu umio cam ni dhanu ma kec ubino negogi, ekeyo remokum, man ecero jum’utho! (Matayo 15:29-38; Yohana 11:38-44) Calu Yesu re ma bibedo Rwoth mi ker pa Mungu, elar enyutho iwang’e lembe ma beco ma ker maeno bitimo ni dhanu ma ebibimo i wigi.—Lembanyutha 11:15.
-
Lembe ma tung’ tung’ ma reco m’ubetimere tin i ng’om unyutho nia ceng’ni ker pa Mungu bibino. Yesu ular uyero nia i wang’ ker ma eno nikelo kwiocwiny ing’om, ng’ombene bikelar pong’ ku lwiny, ndru, man digidi.—Matayo 24:3, 7.
Wabeneno lembe maeno ceke ubetimere kawono. Pieno wacopo bedo ku genogen nia Ker pa Mungu bidaru peko ma eno ceke ceng’ni eni.
ICOPO PENJIRI KUMAE
Kwo bibedo nenedi i the bimobim mi Ker pa Mungu?
Biblia udwoko wang’ penji eno i ZABURI 37:29 man i ISAYA 65:21-23.
Nen bende
ESSENTIAL BIBLE TEACHINGS
Ker pa Mungu tie ang’o?
Kinde ma Yesu bino iwi ng’om, eweco akeca iwi Ker pa Mungu nikadhu ponji pare mange ceke. Pi oro ma dupa, dhanu berwo nia Kerne ubin.
WATIE JUKANI?
Pirang’o ukwayu niponjo Biblia?
Biblia udwoko wang’ penji ma dongo dongo ma dhanu milioni dupa iwi ng’om zoo gipenjiri ko iwi kwo. Nyo in de imaru ibed ng’atu acel m’i kindgi?
