CAKU THE WEC
PONJI MIR 3
Bedo ber ku dhanu
Cik mir ukungu: ‘Mer . . . bedo ber ku dhanu.’ —1 Kor. 13:4.
Gin ma Yesu utimo
1. Nen VIDEO, kunoke som Yohana 9:1-7. I ng’eye dwok wang’ penji m’ulubo:
-
Yesu ular utimo ang’o; nyo elar ekeyo wang’ abinga kunoke nyo elar erweyo ire lembanyong’a?—Nen Yohana 9:35-38.
-
Iparu nia pirang’o abinga ma Yesu ukeyo wang’e ubino kud ava mi winje?
Ponji ma wacopo nwang’u
2. Ng’atini copo bedo kud ava ma lee mi winjo rwonglembe mwa kan enyang’ nia wabedieng’ kude.
Lub lapor pa Yesu
3. Tim kero inyang’ i kite ma ng’atini ubewinjere ko.
-
Penjiri kumae: ‘Copere nia ang’o m’ubedieng’o cwinye? Ang’o ma copo konye man ma copo telo nen pare?’ Nitimo kumeno bikonyi ninyutho bero ni jumange man nidieng’ kugi i andha.
-
Winj ng’atini pi ninyutho nia ibedieng’ kude. Tek ekoro iri kite m’ebewinjere ko pi lembe moko kunoke ekoro iri peko moko m’ebekadhu kud i iye, kud ikadh iwi paru mange.
4. Wec i ayi ma ber man ku woro. Ayi m’ibeweco ko copo nyutho nia kisa ubenegi i kum ng’atini man nia imito ikonye. Ng’ii cuu mandha wec m’ibiyero man ayi m’ibiyere ko, man ur wec ma copo ketho ekier.
5. Kony jumange. Ka kaka unen, say yore m’icopo timo ko lembe moko pi nikonyo jumange. Nitimo bero ni ng’atini ketho weco kude bedo yot.
