CAKU THE WEC
PONJI MIR 5
Wec ku bodho
Cik mir ukungu: “Wek wec mwu bed ku bero i iye saa ceke man ma kadu rome.”—Kol. 4:6.
Gin ma Paulo utimo
1. Nen VIDEO, kunoke som Tic mi Jukwenda 17:22, 23. I ng’eye dwok wang’ penji m’ulubo:
-
Paulo uwinjere nenedi saa m’eneno ayi gin m’acwiya mi dini mi vupo i Athene?—Nen Tic mi Jukwenda 17:16.
Ponji ma wacopo nwang’u
2. Dhanu copo winjowa yot yot ka wang’iyo cuu gin m’ukwayu wayer, kite ma wayere ko man bende saa m’ukwayu wayere i iye.
Lub lapor pa Paulo
3. Ng’ii wec ma telo nen. Ku lapor, kan ibeweco ku ng’atu m’utie ngo Jakristu, icopo wilo ayi mi weco kude iwi Biblia kunoke iwi Yesu.
4. Kud itir paru pa ng’atini ndhundhu. Wek ekor kite m’ebewinjere ko m’umbe ning’olo dhoge. Kan eyero lembe moko m’ukoc ku ponji mi Biblia, kud ilar dhogi kude. (Yak. 1:19) Kan iwinje cuu, ibinyang’ i paru pare.—Rie. 20:5.
5. Kan ukwayere, yii lembe m’ebeyero man foye. Copere nia eyiyo ku cwinye ceke nia dini pare re ma ponjo lemandha. Wec kude iwi lembe ma wun zoo wuyiyo man i ng’eye konye nok nok enyang’ i gin ma Biblia ubeponjo.
NEN BENDE
Rie. 25:15; 2 Tim. 2:23-26; 1 Pet. 3:15
