PONJI MIR 14
Niwodho paru ma dongo thwolo thwolo
Juebrania 8:1
LEMBE M’ICOPO TIMO: Saa m’ibemio korolembe, kony dhanu giwinji ma ber, keth paru ceke ma dongo uromb ku lembakeca mi korolembene, man uromb ku thiwie.
KITE M’ICOPO TIMO KO:
-
Bed ku lembakeca. Ng’ei ka nyo lembakeca mi korolembe peri utie nikonyo dhanu ung’ei lembe moko, nicwalugi giyii lembe moko, kunoke nyo nimio amora i kumgi; e imii korolembe peri nimakere ku lembakecane. Kor paru ceke ma dongo i ayi ma copo konyi nitundo i lembakeca peri.
-
Dok iwi wec ma dongo mi korolembe. Kinde m’ibemediri ku korolembe, woth bedok iwi wec ma dongo m’i thiwie.
-
Nyuth paru ma dongo terere man i ayi ma yot. Ponj kende kende paru ma dongo m’ugwaku thiwiwec peri, m’ineno nia icopo daru i saa ma jumio. Nen nia ibiweco iwi paru adi ma dongo. Korgi terere, woth beyom i wang’ nikadhu i m’ucelo man cidh kugi yo yo.