PONJI MIR 16
Niyero wec ma gierojo man ma tielo cwiny
Yob 16:5
LEMBE M’ICOPO TIMO: Kud iwec ndikindiki iwi lembe m’ubewotho rac, ento wec akeca iwi kite ma lembene copo yikere ko. Bende, nen ayi m’icopo cwalu ko juwinj nitimo alokaloka.
KITE M’ICOPO TIMO KO:
-
Bed ku paru ma cuu iwi ju m’uwinji. Gen Jukristu wedu nia gitie ku mito mi foyo i Yehova. Kadok i saa m’ubekwayu nia imii juk moko igi de, mi kwong’o lar ifoygi kan ecopere.
-
Kud iwec kwa iwi lembe m’ubewotho rac. Icopo weco iwi lembe m’ubewotho rac, kende kende tek ibemito wodho ponji moko niai kud i ie. I saa mi ponji peri zoo, wec ku dwal ma mio amora i kum dhanu.
-
Tii ma ber ku Lembe pa Mungu. Tel nen mi juwinj iwi lembe ma Yehova udaru timo ni dhanu, iwi lembe m’ebetimo kawoni man m’ebitimo i nindo m’ubino. Tiel cwiny dhanu man mii kero i kumgi.
