Kony ju m’ubewinji gikeging’iiri gigi. Penj penji moko pi nikonyo juwinj ginyam i paru migi gigi.

Mii amora i kum dhanu kara gitim lembe ma ber. Kony juwinj ging’ei nia pirang’o gibeii nitimo lembe ma ber. Konygi ginwang’ amora mi timo lembe ma beco, calu ve nimaru Yehova, nimaru dhanu wagi, man nimaru ponji mi Biblia. Nyam i lembe karacelo kugi, enre kud iwec aweca i wigi. Kakare niyero wec ma copo nyayu lewic iwi dhanu m’ubewinji, kunoke ma romo ketho ginwang’ nia dong’ lembe ma cuu ma gibetimo de mbe, mii amora i kumgi i ajiki mi ponji peri, man tiel cwinygi nia giii asu.

Tel nen mi dhanu iwi Yehova. Kor nia ponji mi Biblia man cik mir ukungu ubenyutho nia Mungu umaruwa, man etie ku kite ma beco. Kony juwinj giii ninyayu mutoro i Yehova, ento gidag lembe ma nyayu can i ie.