Barua m’uai i Guriri m’utelowic
“Emaku wubed juponji.” (Ebr. 5:12) Yehova ma en e Japonji ma yawe mbe i polo kud i ng’om ngung’, ubekweyi nia inyuth pire ni jumange. Eno tie rwom ma rukani! Niponjo lembe pa Yehova ni dhanu, kadok ebed ni juruot peri, i cokiri kunoke i tic mi lembanyong’a utie rwom ma lee man bende tic ma pire tek mi tuko ngo. Dong’ wacopo timang’o kara warom tije?
Dwokowang’ penji maeno nwang’ere i barua ma Paulo ugoro ni Timoteo. Eyero ire kumae: “Keth weng’i kum somo lembe, man kum jukojuk, ku ponji bende.” Emedo bende kumae: “Kum tek itimo kumeni ibibodhri giri ku dhanu m’ubeduwinji bende.” (1 Tim. 4:13, 16) In de iberweyo rwonglembe ma bodho kwo ni dhanu. Pieno, miiri zoo pi niyiko kite m’isomo ko piny man m’iponjo ko dhanu. Nyathibuku maeni juwodhe kara ekonyi itund i lembakeca maeno. Kenen lembe moko ma nwang’ere i ie.
Mbayaman utie ku giragora; giragorane copo bedo cik mir ukungu ma ponji mi mbayane ujengere i wie, kunoke ecopo nyutho kite ma jutio ko ku ponjine
Japonji moko mbe ma sagu Yehova. (Yob 36:22) Kadok nyathibuku maeni copo konyi nimedo bodho peri mi somo piny kunoke mi ponjo dhanu de, re wii kud uwil nia lembe ma wabeponjo uai i bang’ Yehova, man en re m’etelo dhanu i bang’e. (Yoh. 6:44) Pieno, bed irwo nja pi nikwayu tipo maleng’. Tii ku Lembe pa Mungu saa ceke. Tel nen mi juwinj iwi Yehova, ento i wii giri ngo. Tim tego nikonyo juwinj peri gimar Yehova kud adundegi kpo.
Yehova ubekweyi iponj lembe ma pire tek nisagu zoo ni dhanu. Watie ku genogen nia ibiromo tic maeno, kan ijengiri iwi “tego ma Mungu mio.”—1 Pet. 4:11.
Juponji wedu,
Guriri m’utelowic mi Jumulembe pa Yehova
