Nwang’ ponji niai kud i kpawa mi Biblia
Girasoma maeni biketho ing’eyo lembe ma Biblia ukoro niai i cwic, nyoliri man tic pa Yesu, nitundo ma Ker pa Mungu bibino.
Waraga mi Guriri m’utelowic
Jucopo tio ku buku maeni nenedi?
PONJI MI 1
Mungu cwio polo ku ng’om
Biblia uyero nia Mungu cwio polo ku ng’om. Pirang’o Mungu ular ucwio malaika acel i wang’ nicwio piny mange ceke?
PONJI MIR 2
Mungu cwio nico ku dhaku ma kwong’a
Mungu cwio nico ku dhaku ma kwong’a, man ekethogi i podho mir Eden. Emito nia gibed ni juruot acel man gidwok ng’om zoo udok ni paradiso.
PONJI MIR 3
Adamu giku Eva giworo ngo dwand Mungu
Pirang’o jukwero nia Adamu giku Eva kud gicam kum nying’ yen acel kende mi podho mir Eden? Pirang’o Eva ugam ucamu kum nying’ yen maeno?
PONJI MIR 4
Kwinyo ucwale ninego nek
Mutoro ugam unego Yehova i kum lam p’Abel, ento mutoro nege ngo i kum lam pa Kain. Saa ma Kain unyang’ nia Yehova ujolo ngo lam pare, e kwinyo opo i ie, uketho etimo lembe ma rac mandha.
PONJI MIR 5
Avur pa Noa
Saa ma jumalaika ma reco gigamu mon, ginyolo awiya ma jurukara man ma kwiny lee. Lembe ma reco ubino timere kakare ceke. Ento Noa ubino ku timo m’ukoc; egam emaru Mungu man ebed ewore.
PONJI MIR 6
Dhanu abora giboth
Koth ucwii pi nindo 40, man diewor 40. Noa ku juruot pare gitimo oro ma kadhu acel i avur. I ng’eye, Mungu uyero igi nia giwoki kud i avur.
PONJI MIR 7
Ot ma wiw mi Babel
Dhanu ging’io nigiero adhura man ot ma wiw ma wie copo tundo i polo. Pirang’o Mungu ketho gicaku weco dhok ma tung’ tung’ mbwang’?
PONJI MIR 8
Abraham giku Sara giworo dwand Mungu
Pirang’o Abraham giku Sara giweko kwo ma cuu ma gibino ko i adhura mi Ur, man gidoko ni juwotho i ng’om mi Kanan?
PONJI MIR 9
Nyathin ma nico unyolere igi
Mungu bitimo ang’o pi nipong’o lembe m’eng’olo ni Abraham? Ebipong’o lembene nikadhu kud i bang’ wod Abraham ma ng’a?—Isak kunoke Icmael?
PONJI MIR 10
Wupoi i kum ci Lot
Mungu uketho mac ku muganga ucwii iwi adhura mi Sodoma ku Gomora. Pirang’o enyotho adhura maeno? Pirang’o wacikara nipoi i kum ci Lot?
PONJI MIR 11
Yehova uketho yioyic p’Abraham i amulaic
Mungu uyero ni Abraham kumae: ‘Kawono gam wodi ma kulong’, man cidh ithiere ira ni lam iwi got moko i ng’om mi Moria.’ Abraham utimo ang’o saa ma Mungu uketho yioyic pare i amulaic?
PONJI MIR 12
Yakobo unwang’u giralaga
Isak giku Rebeka ginyolo nyithi rut ario ma nying’gi Esau man Yakobo. Calu m’Esau ubino nyathin ma kwong’a, nwang’u en re m’ebecinwang’u giralaga moko ma segi. Dong’ pirang’o Esau lworo twero maeno pi sani acel mi cwej munguk?
PONJI MIR 13
Yakobo gikud Esau giripo kindgi
Yakobo utimo ang’o kara malaika umii ire mugisa? Man etimo ang’o pi niripo kindgi kud Esau?
PONJI MIR 15
Wi Yehova uwil ungo pi Yosefu
Kadok nwang’u Yosefu ubino bor ku jupagi de, Mungu utimo ire lembe m’unyutho nia etie karacelo kude.
PONJI MIR 17
Musa ung’io nitimo ni Yehova
Kinde ma Musa ubino nyathin, min utimo rieko moko pi nibodhe.
PONJI MIR 19
Masendi adek ma kwong’a
Kuhaya uketho Farao ukwero nitimo lembe moko ma yot; eno uketho ewayu peko ma lee iwi dhanu pare.
PONJI MI 21
Masendi mir apar
Masendi maeni ubino rac mandha uketho cil Farao ma jakuhaya bende ugam uweko nyithindho mir Israel ucidhi.
PONJI MI 22
Udu m’utimere i Nam ma kwar
Farao uai ukadhu kud i masendi apar, nyo eboth kud i udu ma Mungu utimo i Nam ma kwar?
PONJI MI 23
Gitimo lembang’ola ni Yehova
Nyithindho mir Israel gitimo lembang’ola ma segi ni Mungu kinde ma gigonjo i kum got Sinai.
PONJI MI 24
Gituro lembang’ola migi
Kinde ma Musa ucigamu Cik apar, nyithindho mir Israel gitimo dubo moko ma rac mandha.
PONJI MI 26
Julib apar ario
Yocuwa giku Kaleb gikoc ku julib apar mange ma gicidh gilibo kugi ng’om mi Kanan.
PONJI MI 27
Gijai ni Yehova
Kora, Dathan, Abiram, man dhanu 250 mange ginyang’ ungo i lembe moko ma pire tek iwi Yehova.
PONJI MI 30
Rahab ukanu julib
Kinde ma gang’kidi mir adhura mi Yeriko urwombere, ot pa Rahab ma thol ma kwar ni madricane urwombere ngo.
PONJI MI 31
Yocuwa ku Jugibeon
Yocuwa urwo i bang’ Mungu kumae: “Ceng’, cung’ tii!” Nyo Mungu udwoko wang’ rwo pare?
PONJI MI 32
Jatelwic ma nyen man mon ario ma weg tegocwiny
I ng’ei tho pa Yocuwa, nyithindho mir Israel gicaku woro ayi gin m’acwia. Kinde ma lembe doko tek igi, Mungu bodhogi nikadhu kud i bang’ japoklembe moko ma nyinge Barak, jabila ma dhaku ma nyinge Debora man dhaku moko ma nyinge Yael m’utio ku pike pare!
PONJI MI 33
Rutha giku Naomi
Jumamon ario ma coggi tho gidok i Israel. Dhakune ma nyinge Rutha ubed ubeko cam i podho, man kuca re ma Boaz uwok unene.
PONJI MI 34
Gideon uvoyo Jumidian
I ng’ei ma Jumidian gidwoko kwo tek ni Juisrael, gikwayu Yehova ukonygi. Juaskari pa Gideon ma wendgi bino nyanok kende gituc niloyo juaskari 135 000 nenedi?
PONJI MI 35
Hana ukwayu nyathin ma nico i bang’ Mungu
Elkana ubed ucidho karacelo ku Hana, Penina ku juruot pare pi niworo Yehova i hema mi cokiri i Cilo. Kuca, Hana uwok ukwayu nyathin ma nico i bang’ Mungu. Oro kago acel i ng’eye, enyolo Samwel!
PONJI MI 36
Lembang’ola pa Yeftha
Yeftha utimo lembang’ola ma kani, man pirang’o? Nyaku pa Yeftha utimo ang’o saa m’ewinjo pi lembang’ola pa won?
PONJI MI 37
Yehova uweco i bang’ Samwel
Wot Eli ma Jalam ma dit ario gibino julam, re gibed giworo ngo cik pa Mungu. Ento Samwel ubino ku kura m’ukoc ku migi, man Yehova uweco i bang’e.
PONJI MI 38
Yehova umio tego ni Samson
Mungu umio tego ma lee ni Samson pi nikiedo i dhu Jufilisti, ento kinde ma Samson utimo ng’iong’ic ma rac, Jufilisti gimake.
PONJI MI 39
Ubimo ma kwong’a mir Israel
Mungu umio jupoklembe pi nitelo wi nyithindho mir Israel, ento gimito emii igi ubimo. Samwel uwiro Saul kara ebed ubimo ma kwong’a, ento i ng’eye, Yehova ukwero Saul. Pirang’o?
PONJI MI 40
Daudi giku Goliath
Yehova ung’io Daudi kara ebed ubimo mir Israel; Daudi utimo lembe m’unyutho nia eromo nibedo ubimo.
PONJI MI 41
Daudi giku Saul
Ng’atu acel m’i kind dhanu ario maeni ugam udagu wadi lee mandha. Pirang’o? Ng’atu ma judagu ugam utimo ang’o?
PONJI MI 42
Yonathan ubino jarimo mandha man ebino ku tegocwiny
Wod ubimo udoko jarimb Daudi ma ceng’ini.
PONJI MI 44
Jugiero hekalu pa Yehova
Mungu udwoko wang’ kwac p’ubimo Suleman, man emio ire rwom ma dit.
PONJI MI 49
Dhaker moko ma cwinye rac unwang’u matira
Yezebel upangu ninego Naboth kara podho ulok pare udong’ ire! Yehova uneno lembe ma rac ma Yezebel utimo.
PONJI MI 50
Yehova ugwoko Yehocafat
Ubimo Yehocafat usayu kony i bang’ Yehova kinde ma judegi mi nyithindho mi Yuda ubino kiedo lwiny i dhoggi.
PONJI MI 51
Jakiedlwiny moko ma tek man nyathi nyaku moko
Nyathi nyaku moko ma tie Nyaisrael unyutho ni dhaku m’ebedo i bang’e pi tego ma yawe mbe ma Yehova tie ko—eno umio adwogi ma ber mandha.
PONJI MI 52
Magali mi mac pa Yehova
Ang’o m’ukonyo jatic pa Elica nineno nia ‘ju ma gin’i bang’wa sagu ju ma ni kugi?’
PONJI MI 53
Tegocwiny pa Yehoiada
Jalam moko m’ugwoko bedoleng’ pare ujai i kum ubimo moko ma dhaku.
PONJI MI 54
Yehova unyutho cirocir ni Yona
Pirang’o rec ma dit ugam umwonyo jabila pa Mungu moko? Ewok kud i recne nenedi? Man Yehova umio ire ponji ma kani?
PONJI MI 55
Malaika pa Yehova ugwoko Hezekia
Judegi mi dhanu mi Yuda giyero nia Yehova bigwoko ngo dhanu pare, ento giwondiri!
PONJI MI 56
Yosia umaru Cik pa Mungu
Yosia udoko ubimo kinde m’ebino ku oro abora, man ekonyo dhanu pare kara gitim thier ni Yehova.
PONJI MI 57
Yehova uoro Yeremia ucidh urwei
Lembe ma jalawobi Yeremia uyero uketho kwinyo uopo i judongo mi Yuda.
PONJI MI 59
Awobi ang’wen ma giworo Yehova
Awobi mi Yuda gikeco nigwoko bedoleng’ migi ni Yehova, kadok i ker mi Babeli.
PONJI MI 61
Gikwero nirum i ng’om
Cadrak, Mecak man Abed-nego gikwero nirwo ni ayi gin m’acwia mi mola ma kwar p’ubimo mi Babeli.
PONJI MI 65
Ester ubodho thek pagi
Kadok nwang’u Ester ubino umondo man nyathikic de, re egam edoko dhaker.
PONJI MI 66
Ezra uponjo Cik pa Mungu ni dhanu
I ng’ei ma nyithindho mir Israel giwinjo Ezra, gitimo lembang’ola ma segi ni Mungu.
PONJI MI 67
Gang’kidi mi Yerusalem
Nehemia uwinjo pi gamba ma judegi migi ubacamu i kumgi pi nikelo lwiny i wigi. Pirang’o lworo unege ngo?
PONJI MI 68
Elisabeti unyolo nyathin
Pirang’o juyero ni cwar Elisabeti nia ebiweco ngo nitundo ma nyathin bikenyolere?
PONJI MI 70
Jumalaika utwong’o pi nyoliri pa Yesu
Jukwac gitimo pio pio kinde ma jutwong’o igi pi nyoliri pa Yesu.
PONJI MI 73
Yohana uyiko pi bino pa Yesu
Yohana udoko jabila kinde m’edongo. Eponjo nia Masiya ubebino. Dhanu ugam ujolo lembe pare nenedi?
PONJI MI 74
Yesu udoko Masiya
Yohana umito nyutho ang’o kinde m’eyero nia Yesu tie Nyathi rombo pa Mungu?
PONJI MI 75
Wonabali ubidho Yesu
Wonabali ubidho Yesu wang’ adek. Abidhe adek ma kani ma wonabali ubidho ko Yesu? Yesu udwoko lembe ni Sitani nenedi?
PONJI MI 76
Yesu udwoko hekalu leng’
Pirang’o Yesu uwodho lim woko kud i hekalu man eredho meza mi ju m’uloko sente?
PONJI MI 77
Dhaku moko i dhu kulo
Dhasamaria uzungo nia Yesu ubeweco i bang’e. Pirang’o? Yesu uyero ire lembang’o ma nwang’u fodi eyero ngo ni ng’atu moko zoo de?
PONJI MI 78
Yesu urweyo lembkwenda mi Ker
Yesu ulwong’o jumoko kara gidok ‘judwar dhanu.’ I ng’eye, eponjo julub pare 70 pi nirweyo lembanyong’a.
PONJI MI 79
Yesu utimo udu dupa
Kaka moko ci ma Yesu ubed ucidho i ie, dhanu ma kumgi remo ubed ubino i bang’e pi ninwang’u kony man ebed ekeyo kumgi. Ecero bende nyathi nyaku ma nwang’u utho.
PONJI MI 82
Yesu uponjo julub pare kud ayi ma girwo ko
Eponjo julub pare nia gimediri nikwayu pi lembang’o?
PONJI MI 83
Yesu unyayu cam ni dhanu elufu ma dupa
Udu maeno ubenyutho iwa lembang’o iwi Yesu giku Yehova?
PONJI MI 85
Yesu ukeyo kum ng’atu moko i ceng’ Sabatu
Pirang’o dhanu zoo ufoyo ngo lembe ma Yesu ubetimo?
PONJI MI 86
Yesu ucero Lazaru
Kinde ma Yesu uneno Maria ubewak, en de ecaku wak. Ento nyanok i ng’eye, piwang’gi udoko ni piwang’ mi mutoro.
PONJI MI 87
Kadhukuwijo ma tokcen
Yesu umio telowic ma pire tek ni jukwenda pare kinde ma gibecamu cam wang’ ma tokcen karacelo.
PONJI MI 88
Jumaku Yesu
Yuda utelo wi udul askari ma gitie ku palamularu man undoi i cing’gi kara gimak Yesu.
PONJI MI 89
Petro ukwero Yesu
Lembang’o m’utimere i lelagang’ mi ot pa Kayafa? Man jutimo lembang’o i kum Yesu i ot?
PONJI MI 95
Gin moko mbe ma romo cerogi
Judong dini ma gigam ginego Yesu gibemito bende gitwii dhu julub. Ento gicopo ngo.
PONJI MI 97
Kornelio unwang’u tipo maleng’
Pirang’o Mungu uoro Petro i ot pa ng’atu maeni, ma tie ngo Jayahudi?
PONJI MI 98
Dini mi Jukristu unyai i ng’om ma dupa
Jakwenda Paulo man juwodhe ma ba misioner gicaku rweyo lembanyong’a i ng’om ma bor.
PONJI MI 99
Jakur odkol moko udoko Jakristu
Pirang’o jubolo Paulo giku Sila i odkol? Ang’o m’uketho jakur odkol moko udoko Jakristu?
PONJI MI 100
Paulo giku Timoteo
Dhanu ario maeno gibino jurimo man gitimo tic pa Mungu karacelo pi oro ma dupa.
PONJI MI 101
Jutero Paulo i Roma
Kadok nwang’u peko ubino lee i woth migi de, ento gin moko mbe m’ucero jakwenda maeno.
PONJI MI 102
Lembanyutha ma Yohana uneno
Yesu uketho Yohana uneno ginmawokiwang’ ma tung’ tung’ iwi lembe ma bitimere i nindo m’ubino.
PONJI MI 103
“Ker peri bin”
Lembanyutha ma Yohana uneno unyutho kite ma Ker pa Mungu bikelo ko alokaloka i kwo mi dhanu iwi ng’om.
