Thenge maeni biweco iwi lembe ma nwang’ere i Giragora mi Jugiriki mi Jukristu. Yesu unyolere i ot mi can man ku jupagi gibed gikwo i adhura moko ma nyanok. Ebed etimo tic karacelo ku won ma tie jagob bau. Yesu ubino ng’atu m’ucikere nibodho dhanu. Yehova re m’ung’ie kara ebed ni Ubimo mi Ker mi polo. Tekene itie janyodo, kony nyathin peri unen kite ma Yehova ugam ung’io ko cuu mandha ot man kaka ma Yesu romo dongo i ie. Konye enen bende ayi ma Yehova ugam ugwoko ko Yesu kara Herode kud unege, man eng’ei nia gin moko mbe ma copo cero Yehova nipong’o lembakeca pare. Keth eng’ei bende ayi ma Yehova utio ko ku Yohana pi niyiko yo ni Yesu. Keth nwoc iwi kite ma Yesu unyutho ko nia emaru rieko m’uai i bang’ Yehova kadok ma fodi etie aradu.