Pirang’o Yehova ugam unyotho ng’om ku pii ma dit i rundi ma con? Kinde ma dhanu caku nikwo acaka iwi ng’om, Sitani ugam ujai ni Yehova. E dhanu moko, calu ve Adamu, Eva man wodgi ma Kain ging’io nilubo tok Sitani. Ento dhanu ma nok, calu ve Abel man Noa ging’io niworo Yehova. Dhanu ma pol gicaku timo lembe ma reco akeca uketho Yehova unyotho dhanu mi rundi maeca. I thenge maeni, wabineno nia Yehova beneno ka nyo wang’io niworo ng’a; bende wabineno nia ebiweko ngo lembe ma rac umedere pi nja.