PONJI MIR 7
Ot ma wiw mi Babel
I ng’ei pii ma dit m’uumo ng’om, wot Noa ku mon migi ginyolo awiya dupa. Wendgi umedere lee mandha, uketho gipokiri i kabedo ma tung’ tung’ i wang’ ng’om calu ma Yehova ular uyero igi.
Ento dhanune moko gibed giworo ngo Yehova. Giyero kumae: ‘Wubin wagieru adhura iwa man wabedu i ie. Wabigiero bende ot ma tek ma wiw ma wie copo tundo i polo, kara piwa yiki.’
Ponji m’ulubo binyutho.
Lembe ma gibino timo ufoyo ngo i Yehova, uketho eng’io nia ejig tic migine cen. Nyo ing’eyo kite m’ejigo ko tije? Eketho mbwang’ kumeni ci, gicaku weco dhok ma tung’ tung’. E gicaku winjiri ngo i kindgi, pieno giweko nigiero ode. Julwong’o nying’ ot ma gibino gierone Babel, ma thelembene tie “nyotho wic.” E dhanu caku nilal i kabedo ma tung’ tung’ i wang’ ng’om. Ento gimediri asu nitimo lembe ma reco kaka ma gidok nikwo i ie. Nyo ng’atu moko nuti de m’umedere nimaru Yehova?“Ku ba dhanu ceke m’uyungre gire jubijwige; ento ng’atu m’ujwigre gire jubiyunge.”—Luka 18:14