Lembe ma nwang’ere i thenge mir 4
I thenge maeni, wabiweco iwi Yosefu, Yob, Musa, man nyithindho mir Israel. Gin ceke giciro peko ma dongo ma Wonabali unyayu i kumgi. I kindgi, jumoko jusendo mananu, jutwio i kol, julworo ni ng’eca, jumange ke wedi migi utho rek. Re Yehova ugwokogi i ayi ma tung’ tung’. Kan itie janyodo, kor ni nyathin peri unyang’ i lembe m’ukonyo jutic pa Yehova maeno niciro peko ma dongo m’umbe nibayu yioyic migi.
Yehova ugam ukelo masendi apar iwi Jumisiri pi ninyutho nia copo pare ukadhu copo mi mungu m’araga mi Misiri. Kony nyathin unyang’ cuu i ayi ma Yehova ugwoko ko dhanu pare i rundi ma con, man kite m’ebegwoko ko dhanu pare tin eni.
LEMBE M'I THENGE MAENI
PONJI MIR 15
Wi Yehova uwil ungo pi Yosefu
Kadok nwang’u Yosefu ubino bor ku jupagi de, Mungu utimo ire lembe m’unyutho nia etie karacelo kude.
PONJI MIR 17
Musa ung’io nitimo ni Yehova
Kinde ma Musa ubino nyathin, min utimo rieko moko pi nibodhe.
PONJI MIR 19
Masendi adek ma kwong’a
Kuhaya uketho Farao ukwero nitimo lembe moko ma yot; eno uketho ewayu peko ma lee iwi dhanu pare.
PONJI MI 21
Masendi mir apar
Masendi maeni ubino rac mandha uketho cil Farao ma jakuhaya bende ugam uweko nyithindho mir Israel ucidhi.
PONJI MI 22
Udu m’utimere i Nam ma kwar
Farao uai ukadhu kud i masendi apar, nyo eboth kud i udu ma Mungu utimo i Nam ma kwar?