THENGE MIR 6
Ponji Ang’o ma Wacopo Nwang’u i kum Pii ma Dit m’u Umo Ng’om?
Mungu unyotho jutimrac ento ebodho Noa karacelo ku juruot pare. Thangambere 7:11, 12, 23
Koth ugam ucwi pi dieceng’ 40 ku diewor de 40, man pii ugam u umo ng’om ngung’. E jutimrac ceke ugam utho.
Jumalaika m’ujai gigam giweko kum mi dhanu man gidoko ni pajogi.
Ju m’ubedo i avur giboth. Kadok Noa ku juruot pare gidaru nitho de, Mungu bicerogi kara gikwo kendo dong’ rondo ku rondo.
Mungu binyotho jutimrac man ebibodho jum’atira. Matayo 24:37-39
Jok ku pajogi gibemediri asu ni wondo dhanu.
Calu i rundi pa Noa, tin de dhanu dupa bejai ikum telowic ma Yehova ubemiyo igi ku maru. Ceng’ni Yehova bi nyoto jutimrac ceke.—2 Petro 2:5, 6.
Tin de Jumulembe pa Yehova gicalu Noa. Giwinjo telowic pa Mungu man gitimo gin m’eyerone igi.
Nen bende
BUKU & NYITHIBUKU
Ng’a dhe m’ubebimo wi ng’om?
Dwokowang’ lembe maeno copo zungo ii akeca. Sai ning’eyo nia lembe mareco ubetimere pirang’o.
