Foyofoc iri pi saa ceke ma itimo pi niponjo nyathibuku maeni kara inyang’ cu iwi Jumulembe pa Yehova, iwi tic migi, man kite ma dilo migi wotho kudo. Wageno nia nyathibuku maeni ukonyi ning’eyo nia Jumulembe pa Yehova re m’ubetimo yeny pa Yehova tin. Waketho cwinyi imediri niponjo iwi Mungu, man nidikiri nja ku Jumulembe pa Yehova i coko migi mi Jukristo.​—Juebrania 10:23-25.

Kan imediri niponjo iwi Yehova, ibimediri bende nineno nia emeri lee. Pieno, ibilund nwang’u cwalu cwal mi timo kero peri ceke kara inyuth ni Yehova nia in bende imare. (1 Yohana 4:8-10, 19) Ento, icopo nyutho nenedi i kwo peri ma kubang’ ceng’ nia imaru Mungu? Sukulia ma kani ma ibinwang’u kan ibeworo cik pare mir ukungu kunoke lemandha ma lokre ngo iwi kurajo ma leng’i? Man ang’o ma bikonyi imar nitimo yeny pa Mungu karacelo ku Jumulembe pa Yehova? Japonjo peri mi Biblia bifoyo ning’io dwokowang’ penji maeno karacelo kudi kara in ku juruot peri ‘wugwokru giwu i mer pa Mungu, ma wubekio ko kwo ma rondo ku rondo.’​—Yuda 21.

Wabekwayu nia iponj bende buku “Mediri nibedo i mer pa Mungu” kara itim mediri i yo mi lemandha.