Yeny pa Mungu tie ang’o?
Mungu mito wakwo pi nja i kwiocwiny man kud anyong’a iwi ng’om Paradiso!
Icopo penjiri kumae: ‘lembe nino copo timere andha?’ Biblia yero nia Ker pa Mungu biketho lembe nino ubin utimere. Bende yeny pa Mungu utie nia dhanu ceke uponj iwi Ker pare man lemb’akeca pare piwa.—Zaburi 37:11, 29; Isaya 9:7.
Mungu mito wabed ku kwo maber.
Romrom calu wego m’umaru awiya pare mito gibed ku kwo maber, wegwa mi polo bende ubemito wakwo rondo ku rondo kud anyong’a. (Isaya 48:17, 18) Eng’olo nia “ng’atu m’utimo yeny ma Mungu yenyo bedo rondo ku rondo.”—1 Yohana 2:17.
Mungu mito wawoth i yo pare.
Biblia yero nia Jacwic mwa mito ni “ponjowa ku yo pare” kara wacopo ni “wotho i yo pare.” (Isaya 2:2, 3) Edilo kunoke ecoko “dhanu pi nyinge” kara giketh yeny pare ung’eyere i ng’om zoo.—Tic mi Jukwenda 15:14.
Mungu mito watim ire thier i i acel.
Kakare niketho akoya koya i kind dhanu, thier ma leng’ pa Yehova diko dhanu i acel man i mer mandhandha. (Yohana 13:35) Jukani ma tin gibeponjo dhanu i ng’om zoo kite mi timo ni Mungu i acel? Wakwayu isom nyathibuku maeni kara inwang’ dwoko wang’ penji maeno.
Nen bende
WATIE JUKANI?
Jutimo ponji mi Biblia nenedi?
I ng’om zoo, Jumulembe pa Yehova ging’eyiri pi ponji mi Biblia ma gibed gimio ni dhanu. Nen kite ma ponji maeno betimere kudo.
WATIE JUKANI?
Pirang’o ukwayu niponjo Biblia?
Biblia udwoko wang’ penji ma dongo dongo ma dhanu milioni dupa iwi ng’om zoo gipenjiri ko iwi kwo. Nyo in de imaru ibed ng’atu acel m’i kindgi?
