Nyo iketho Yehova ni karingo peri?
“Yehova waru ng’eyong’ec mi jutic pare; man ng’atu moko mbe m’ikindgi m’upondo (m’uringo) i bang’e ma jubigonjo.”—ZABURI 34:22.
WER: 8, 54
1. Dubo uketho jurutic pa Mungu dupa giwinjiri nenedi?
JAKWENDA PAULO ukiewo nia en e “ng’atu ma ng’ic (ma wie jucan).” (Jurumi 7:24) Calu Paulo, tin bende, dhanu dupa ma gibetimo ni Mungu ku gwoko bedoleng’, gibenwang’iri ku turcwiny man adieng’acwiny. Pirang’o? Pilembe kadok wabemito ninyayu anyong’a i i Yehova de, wan ceke walagu dubo man waleng’ ungo. Pieno, waromo winjara ber ungo ka watimo lembe moko m’ufoyo ngo ie. Jukristu moko ma gitimo dubo ma pek giparu nia Yehova copo weko ngo igi kadok nyanok de.
2. (a) Zaburi 34:22 unyutho nenedi nia jurutic pa Mungu gicikiri ngo niweko adieng’a mi dubo ma gitimo unurgi? (b) Wabiponjo lembang’o i thiwiwec maeni? (Som sanduku ma thiwie tie “ Nyo adhura mi karingo utie iwa ni ponji kunoke lanyuth mi lembe moko?”)
2 Lembagora ubetielo cwinywa nia tekene waketho Yehova ni kapondo kunoke karingo mwa, wacikara ngo niweko adieng’a mi dubo ma watimo ugonjwa kunoke unurwa asu. (Som Zaburi 34:22.) Niketho Yehova ubed ni karingo mwa thelembene tie ang’o? Wacikara nitimo ang’o tekene wamito kisa uneg Yehova i kumwa man ewek dubo mwa? Pi ninwang’u dwokowang’ penji maeno, wabiponjo pi yub ma Yehova umaku yang’ con i Israel pir adhura mi karingo. Yub maeno ubed utio i the lembariba mi cik, ma juwilo i Pentekoste i oro 33 R.M. Yehova re m’ugam umio cikne. Pieno, yub ma Yehova umaku pir adhura ma tung’ tung’ mi karingo ubeponjowa iwi kite m’eneno ko dubo, judubo, man dhanu ma giyewo dubo migi. Re mi kwong’o, wakenen thelembe m’uketho nyithindho mir Israel gibedo kud adhura mi karingo, man kite ma lembene ubed uwotho ko.
‘WUWODH IWU ADHURA MI KARINGO’
3. Con i Israel, jubed jutimo ng’atu m’unego nek nenedi?
3 Con i Israel, ka junego ng’atu moko, lembene ubed ufoyo ngo nyanok de i Yehova. Ka ng’atu moko nego nek akakaka i Israel, ng’atu ma co ma tie wat ma ceng’ni pa ng’atu ma junego, ucikere ninego janekne cen. Ng’atu ma cone jubed julwong’e “jacul[kwoj] rimo.” (Wel 35:19) Kumeno re ma janek ubed uculo kwo pa ng’atu m’enego mi mananu ku kwo pare en gire. Tekene junego ngo janek maeno pio pio, Ng’om mi lembang’ola copo doko m’ecido. Yehova umio cik ma e: “Wubicido ng’om ungo ma wubedo i ie” ku cwiro rimb dhanu, niwacu, ku nek.—Wel 35:33, 34.
4. Lembang’o m’ubed utimere ka Jaisrael moko unego nek mir akakaka ngo?
4 Ka Jaisrael moko unego nek akakaka ngo ke? Kadok enego ng’atune m’ekeco ngo de, re asu rimb ng’atu maeno m’ecwiro mi mananu ni i wie. (Thangambere 9:5) Ento i saa maeno, Yehova ng’olo nia jucopo timo ire kisa. Pieno, ng’atu m’unego nekne romo ringo jaculkwoj rimo; eromo ringo i adhura acel m’ikind adhura abusiel mi karingo. Ka juyio ire nia ebedi i adhurane, nwang’u eboth man etie agwoka. Ento ecikere nikwo i adhurane nitundo ma jalam madit bitho ko.—Wel 35:15, 28.
5. Pirang’o yub mir adhura mi karingo copo konyowa ninyang’ cuu mandha iwi Yehova?
5 Ng’atu m’ugam uwodho paru mir adhura mi karingo eno ubino Yehova en gire, ento dhanu ungo. Eng’olo ni Yocuwa kumae: ‘Yer ni nyithindho mir Israel, wac kumae, Wuwodh iwu adhura mi karingo.’ Adhura maeno jugam jukethogi ni adhura ma leng’. (Yocuwa 20:1, 2, 7, 8) Yehova ung’olo nia gibed ni adhura ma jukoyo segi. Pieno, yub maeno romo ponjowa ku lembe dupa iwi Yehova. Ku lapor, ebekonyowa ninyang’ cuu mandha iwi kisa pa Yehova. Yubne ubeponjowa bende iwi kite ma waromo niketho ko Yehova ni karingo mwa tin eni.
ECIKERE ‘NIYERO LEMBE PARE I ITH JUDONGO’
6, 7. (a) Kekor gin ma judongo gibed gitimo pi nipoko lembe pa ng’atu m’unego nek akakaka ngo. (Nen cal mir acaki.) (b) Pirang’o ebino lembe mi rieko nia jaring ng’wec ukor lembe pare ni judongo?
6 Tekene Jaisrael moko unego nek akakaka ngo, ecikere niringo i adhura mi karingo man ‘niyero lembe pare’ ni judongo mir adhurane i kamondo mi dhugang’. Judongone gicikiri nijole. (Yocuwa 20:4) Saa moko i ng’eye, gidok gidwoke i adhura m’enego ie nek kara judongo ma kuca ucidh upok lembe pare. (Som Wel 35:24, 25.) Ka judongo maeno ginwang’u nia nekne ubino akakaka ngo, giketho edok kendo i adhura mi karingo.
7 Pirang’o jaring ng’wec maeno ucikere nikoro lembe pare ni judongo? Judongo gibino ku rwom mi ketho cokiri mir Israel ubed leng’ saa ceke, man mi konyo ng’atu maeno m’unego nek akakaka ngo ninwang’u kisa pa Yehova. Jararieko moko m’uponjo lembe iwi Biblia ukiewo nia ka ng’atune ucidho ngo ibang’ judongo, jucikiri ninege. Emedo nia i saa maeca, nwang’u rimo pare ni i wie gire pilembe etimo ngo gin ma Mungu ung’olo. Re, kara ebed kwo, ecikere nikwayu kony ibang’
judongo man nijolo konyne. Kan eringo ngo i adhura moko mi karingo, wat ma ceng’ni pa ng’atu m’enego ubino agonya ninege cen.8, 9. Pirang’o Jakristu m’utimo dubo ma pek ucikere nikoro pi dubone ni judong cokiri?
8 Tin bende, Jakristu m’utimo dubo ma pek ucikere nicidho ibang’ judong cokiri kara gikonye ebed kendo ku ribiri ma ceng’ni ku Yehova. Pirang’o ecikere nitimo kumeno? Mi kwong’o, Yehova re m’uketho judong cokiri gipok lembe pi dubo ma pek m’utimere. (Yakobo 5:14-16) Mir ario, judong cokiri gitie ku rwom mi konyo ng’atu m’uyewo dubo pare nibedo kendo ku ribiri ma ceng’ni ku Mungu, man kara kud edok etim dubone kendo. (Jugalatia 6:1; Juebrania 12:11) Mir adek, judong cokiri gitie dhanu ma jumio igi twero man ma juponjo cuu pi nitielo cwiny ng’atu m’uyewo dubo pare man nikwio cwinye m’ubedieng’. Yehova lwong’o judong cokiri eno “kapondo ni wavuvu.” (Isaya 32:1, 2) Yub maeno tie yo acel ma Yehova nyutho ko iwa kisa.
9 Jurutic pa Mungu dupa gidaru nwang’u akwiyacwiny pilembe gitundo nikoro pi dubo migi ni judong cokiri, man ginwang’u kony ibang’gi. Ku lapor, umego Daniel ugam utimo dubo moko ma pek, ento eweko dwi dupa ukadhu ma fodi ecidho ngo ibang’ judong cokiri. Eyero kumae: “Calu nindo ukadhu akeca, aparu nia dong’ lembe moko acel de mbe ma judong cokiri giromo timo ira.” Ento, cwinye ubed upido nja nia saa moko ng’atu moko bibino ng’eyo pi dubo pare; pieno, enwang’u nia kan eberwo ci, ukwayu ebed ecak rwo pare nja ku kwayu kisa ibang’ Yehova. I ng’eye, ecidh ekwayu kony ibang’ judong cokiri. Ewacu kumae: “I andha, ku kwong’a abino ku lworo nicidho i bang’gi. Ento i ng’eye, edok ebedo ira ve juloro ter moko ma pek mandha kud i goka ma nwang’u ubenura.” Daniel udok ucaku rwo ibang’ Yehova m’umbe macero. Kawoni, etie ku pidocwiny ma leng’, man ikind nindo m’ukadhu ceng’ni eni, edoko jakony tic.
ECIKERE ‘NIRINGO I ADHURA ACEL M’IKIND MAENO’
10. Ng’atu m’unego nek akakaka ngo ucikere nitimo ang’o kara jutim ire kisa?
10 Kara jutim kisa ni ng’atu m’unego nek Yocuwa 20:4.) Kan emaru ebed kwo, ecikere nitundo i adhurane man nibedo kuca cil ma jalam madit bitho ko. Ebino lembe ma yot ungo ire, pilembe ecikere niweko tic pare, ot pare ma cu, man ebino ngo agonya niwotho calu ma naka. * (Som korolembe m’i there.) (Wel 35:25) Re pire bino tek nia etim kumeno. Ka nindo moko wie tere nia ekewoki kud i adhurane, eca nwang’u ebedieng’ ungo nia etimo rac ninego dhanu, man kwo pare de nwang’u eketho i ariti.
akakaka ngo, ukwayu eringi m’umbe galu i adhura mi karingo ma ceng’ni kude. (Som11. Jakristu m’uyewo dubo pare romo nyutho nenedi nia etie ku foyofoc ikum kisa pa Mungu?
11 Tin bende, jadubo m’uyewo dubo pare ucikere nitimo lembe moko kokoro kara Mungu uwek ire. Ecikere niweko magwei nitimo dubone. Eno uketho i ie niuro lembe moko ci ma romo cwale nitimo dubo ma pek. Jakwenda Paulo ukoro gin ma Jukristu mi Korinto gitimo. Egoro kumae: “Etie lembe madit nia can m’umondo i iwu en e can ma ayi Mungu ni i kume, eyo ku kabu lembe m’i wiwu giwu, eyo ku ng’ecwiny, eyo ku lworo, eyo kud ava ma dit, eyo kud amora, eyo ku yiko lembe ma rac!” (2 Jukorinto 7:10, 11, NWT) Pieno, ka watimo kero mwa ceke pi niweko timo dubo, wabinyutho ni Yehova nia wabedieng’ ikum kosa mwa, man bende nia wabeparu ngo ya kisa pare romo bino iwa gire kumeni.
12. Jakristu ucikere niweko lembang’o kara Yehova umedere nitimo ire kisa?
12 Jakristu ucikere niweko lembang’o kara Yehova umedere nitimo ire kisa? Ecikere nibedo ayika niweko kadok lembe m’emaru lee, tek lembene romo roye i dubo. (Matayo 18:8, 9) Ku lapor, ka jurimbi gibecweli nitimo lembe ma foyo ngo i Yehova, nyo ibilalu mer peri kugi? Kan inwang’u nia etie tek iri niceriri ikum madhu kong’o lee, nyo ibiuro lembe ma romo bidhi nimadhu kong’o nisagu mukero? Kan inwang’u nia etie yot ungo iri nibimo wi ava mi tarwang’, nyo ibikweriri nineno filme, nimondo i kusika mir Internet, kunoke ninweng’iri i lembe ceke ma romo cweli nibedo ku paru ma reco? Poi nia kero ceke m’ibetimo pi niworo cik pa Yehova, en e mananu ngo. Ka wang’eyo nia Yehova udaru wekowa, lembuno nyayu can lee mandha i iwa nisagu lembe mange ceke. Ento, ka wang’eyo nia Yehova tie ku “mer mi bero mi nja” yor i bang’wa, lembuno nyayu mutoro ma lee mandha i iwa.—Isaya 54:7, 8.
‘GIBIBEDO IWU NI KARINGO’
13. Ang’o m’unyutho nia ng’atu m’uringo i adhura mi karingo ubino agwoka, museme, man jamutoro kuca?
13 Tekene ng’atu m’uringo udaru mondo i adhura mi karingo ci, nwang’u dong’ etie agwoka. Yehova uwacu kumae pir adhura maeno: “Gibibedo iwu ni [karingo].” (Yocuwa 20:2, 3) Yehova uyero ngo nia judok jupok lembe pa ng’atune kendo pi kosa ma rom. Bende, ugam uyiyere ngo nia jaculkwoj rimo ulub toke i adhura mi karingo pi nicinege. Kinde ma jaring ng’wec eno ni i adhura, nwang’u dong’ etie museme i the gwok pa Yehova. Adhurane ubino ngo ire ni otkol. Pieno, eromo timo tic, eromo konyo dhanu mange, man nitimo ni Yehova ku kwiocwiny. Eyo, eromo kwo kud anyong’a!
Bed ku genogen ikum kisa pa Yehova (Nen udukuwec mir 14-16)
14. Jakristu m’uyewo dubo pare ucikere nibedo ma cwinye tek ikum lembang’o?
14 Jurutic pa Mungu moko ma gitimo dubo ma pek, gibedo asu kud adieng’acwiny ikum dubo migi kadok ing’ei yewo dubone. Jumoko paru bende nia Yehova romo weko ngo igi kadok nyanok de. Tekene in de ibewinjiri kumeno, wakweyi ku kisa ing’ei nia ka Yehova weko dubo pa ng’atini, eweke magwei. Pieno, kud iwek cwinyi umedere nipido. Daniel Zaburi 103:8-12.
ma wadaru weco pire de utimo kumeno. Ing’ei ma judong cokiri gimio ire twiny man gikonye nidoko ku pidocwiny ma leng’, yamu ukudhe man cwinye kwio tii. Eyero kumae: “Abino mbe ku thelembe mi weko cwinya upidi asu ikum dubo para. Ka dubo kabere, nang’u ekabere eca. Calu ma Yehova yero, eting’o ter peri m’ubenuri, man ebaye bor kudi. Iromo neno kume kendo ngo.” Con, saa ma jaring ng’wec udaru mondo i adhura mi karingo, ebedo ngo kendo ku lworo nia jaculkwoj rimo bibino ninege ku kuca. Kumeno bende, ka Yehova udaru weko dubo mwa, wacikara ngo nibedo ku lworo nia ebidokwanu dubone asu, kunoke nia ebidopoko lembe i wiwa pire.—Som15, 16. Ning’eyo nia Yesu uculo jamgony man nia etie Jalam mwa Madit ubeteng’o yioyic peri nenedi ikum kisa pa Mungu?
15 I andha, watie ku thelembe mange m’usagu mi nyithindho mir Israel, m’ubecwaluwa nibedo ku genogen iwi kisa pa Yehova. Ing’ei ma Paulo uyero nia en e ng’atu ma ‘wie jucan’ pilembe nia ebetundo ngo niworo cik pa Yehova tap tap, edok emedo kumae: “Afoyo Mungu ni kum Yesu Kristu Rwoth mwa!” (Jurumi 7:25) Emito yero ang’o? Kadok Paulo ubino ninyego ikum dubo man bende elar etimo dubo moko ma pek, ma re eyewo, cwinye bino tek pilembe eng’eyo nia Yehova utimo ire kisa nikum lam mi jamgony pa Yesu. Eyo, waromo bedo ku pidocwiny ma leng’ man kwiocwiny i adundewa, pilembe Yesu uculo jamgony. (Juebrania 9:13, 14) Calu etie Jalam mwa Madit, ‘ecopo bodho magwei ju ma gibecoro ceng’ni ku Mungu ni kume, kum ebedo mi nja kara ekwai pigi.’ (Juebrania 7:24, 25) I rundi ma con, jalam madit ubed ukonyo nyithindho mir Israel kara gibed ma cwinygi tek nia Yehova biweko dubo migi. Wan ke calu Yesu re ma tie Jalam mwa Madit, watie ku thelembe m’usagu migi nia “wacopo nwang’u kisa man bero ma waromo ko ngo pi konyowa i nindone.”—Juebrania 4:15, 16, NWT.
16 Pieno, kara Yehova ubed ni karingo mwa, wacikara nibedo ku yioyic i lam pa Yesu. Kud ipar nia jamgony utie kende kende pi dhanu mange. Ento bed ku yioyic nia mi kwong’o etie pi bero peri giri. (Jugalatia 2:20, 21) Bed ma cwinyi tek nia nikum jamgony, Yehova weko dubo peri. Bed ku yioyic nia jamgony eno ubemio iri genogen mi kwo ma rondo ku rondo. Lam ma Yesu uthiero utie giramia ma Yehova umio iri in!
17. Pirang’o ukwayu iketh Yehova ni karingo peri?
17 Yub mir adhura mi karingo ubekonyowa ninyang’ ikum kisa pa Yehova. Yub maeno ma Mungu umaku, ubeponjowa nia kwo tie gin maleng’. Ebenyutho iwa bende kite ma judong cokiri giromo konyo kowa, kite ma waromo nyutho ko nia wayewo andha dubo mwa, man pirang’o waromo bedo ma cwinywa tek nia Yehova uweko dubo mwa magwei. Nyo iketho Yehova ni karingo peri? Kaka mange mbe ma juromo bedo i ie museme kan i bang’e ngo ci! (Zaburi 91:1, 2) I thiwiwec m’ulubo, wabineno kite ma adhura maeno mi karingo romo konyo kowa nikwanyu koth Yehova, ma tie lapor maber m’usagu zoo mi pokolembe ma pwe man mi kisa.
^ par. 10 Nimakere ku jururieko moko mi Juyahudi, ecicopere nia juruot pa ng’atu m’uringone bende ubed ulubo toke i adhura mi karingo pi nicikwo kude.