Wer ku dwal mir anyong’a!
“E ber ya juwer pak ni Mungu mwa.”—ZABURI 147:1.
WER: 10, 2
1. Wer mwa konyowa nenedi?
JATHUNGWER moko m’ung’eyere lee ugam uyero kumae: “Wec ketho ng’atini paru lembe. Mizik ke ketho ng’atini winjere ku mutoro kunoke ku can. Ento wer, ketho ng’atini neno lembe m’ebewero i paru pare.” Wer mwa bende konyowa nimio pak ni Yehova, Wegwa m’i polo, man ninyutho nia wamare. Werne ketho wawinjara nia watie ceng’ini mandha kude. Pieno, kadok wabewer kendwa kunoke karacelo kud umego ku nyimego mwa de, ubenen kamaleng’ nia wer utie ku kaka ma pire tek dit i thier maleng’.
2, 3. (a) Dhanu moko gibed giwinjiri nenedi tekene ubekwayu nia juwer matek karacelo i cokiri? (b) Wabidwoko wang’ penji makani i ponji maeni?
2 Dong’, ibed iwinjiri nenedi tekene ubekwayu nia juwer matek karacelo i cokiri? Nyo lewic benegi? I suru moko, dhanu ma co gibed gilworo niwer ikind dhanu. Lembuno copo bedo ku matoke marac iwi umego ku nyimego i cokiri, akecane ka judong cokiri gibemwony ikum wer, kunoke gibetimo lembe mange i saa mi wer.—Zaburi 30:12.
3 Wer utie thenge acel ma zoo mi thier mwa ni Yehova. Pieno, ukwayu ngo wabed wamwony i saa mi wer kunoke nikoso thenge maeno mi coko. Dong’, wan ceke wacikara nipenjara kumae: ‘Nyo abed amaru niwer i coko? Aromo timo ang’o tekene abed
alworo niwer ikind dhanu? Man aromo wer nenedi kud adundena ceke?’WER UTIE THENGE ACEL MA ZOO MI THIER MANDHA
4, 5. Yub makani m’ubedo nuti pi lembe m’uneno wer i hekalu i Israel ma con?
4 Niai con, jurutic pa Yehova gibed gitio ku mizik pi nipaku Yehova. Kinde ma nyithindho mir Israel gibino gwoko bedoleng’ migi ni Yehova, wer ubedo thenge acel ma pire tek mi thier migi. Ku lapor, kinde ma Daudi ubino coko dhu jamtic pi gomo hekalu, epangu bende Julawi 4 000 pi nipaku Yehova ku mizik. Kud ikindgi, dhanu 288 ubedo jurubodho, man ‘juponjogi [ceke cuu] i wer ni Yehova.’—1 Lemkei 23:5; 25:7.
5 Bende, i saa ma jubino nithiero hekalu ni Yehova, mizik ku wer ubedo ku kaka ma pire tek. Biblia uwacu kumae: ‘Kinde ma jukudhagwara man juruwer gibedo calu acel, kara giketh badwal acel uwinjre kum paku ku foyo Yehova; man kinde ma giting’o dwandgi malu karacelo kud agwara man umbukulumbu ku jambwer mi badwal, man gipaku Yehova, . . . dwong’ pa Yehova upong’o ot pa Mungu.’ Kepar kite ma lembuno ugam utielo ko yioyic mi nyithindho mir Israel saa maeca!—2 Lemkei 5:13, 14; 7:6.
6. Yub ang’o ma Nehemia ugam umaku pi mizik ku wer kinde m’ebino jabim mi Yerusalem?
6 Kinde ma Nehemia ucoko nyithindho mir Israel kara gigier kendo gang’kidi mi Yerusalem, en bende egam epangu Julawi kara giwer wer man gigoi mizik i saa mi thiero gang’kidine ni Yehova. Wer man mizik ma gigoyo i saa maeno uketho anyong’a ubedo lee akeca. Nehemia upangu “udul ario ma dit ma gifoyo foc.” Juruwer maeno giwotho ku wi gang’kidi; ungu acel ukwanyu yo ng’ete acel, ma kucelo ke ukwanyu yo ng’ete mange, nitundo gicidh girombo iwi gang’ ma ceng’ni ku kaka ma hekalu ni ie. Dwal mi wer ku mi jambgoyower migine ubedo tek lee ma dhanu mange de giwinjo ku bor. (Nehemia 12:27, 28, 31, 38, 40, 43) M’umbe jiji, mutoro unego Yehova lee niwinjo kite ma jurutic pare gibino wer ko kud amora pi nipake.
7. Yesu ku julub pare ginyutho nenedi nia wer utie thenge acel ma zoo mi thier mi Jukristu?
7 I saa ma Yesu ubino i ng’om bende, mizik umedere nibedo thenge acel ma zoo mi thier mandha. Kepoi ikum lembe m’utimere i diewor ma pire tek nisagu zoo i kwo mi dhanu. Yesu ucaku the Cemo mir uthieno pa Rwoth karacelo ku julub pare; ing’eye, gin ceke giwero wer mi pak ni Yehova.—Som Matayo 26:30.
8. Jukristu mi rundi ma kwong’a giweko lapor makani maber mi paku Mungu ku wer?
8 Jukristu mi rundi ma kwong’a de giweko lapor maber mandha mi paku Mungu ku wer. Tung’ ku nyithindho mir Israel m’ubed ucidho i hekalu pi nitimo thier ni Yehova, Jukristu mi rundi ma kwong’a gibed gicokiri i udi mi dhanu. Kadok udine bino ngo leng’ akeca calu hekalu de, re umego ku nyimego gibed giwer asu kud amora. Jakwenda Paulo de ugam uyero ni Jukristu wadi kumae: ‘Wuponjuru man wujukuru ku lembwer man wer ku wer mi tipo, ma wubewero ku bero (ku foyofoc) i adundewu ni [Yehova].’ (Jukolosai 3:16) Eyo, wacikara niwero wer mi bukuwer mwa ku ‘foyofoc.’ Wer maeno ceke gitie thenge acel mi “cemo” ma “jamiru mandha man ma riek” ubemio iwa “i nindone.”—Matayo 24:45.
IROMO TIMO ANG’O KARA ITUND NIWER MA CWINYI TEK?
9. (a) Pirang’o dhanu moko gitie ku jiji niwer kud anyong’a i coko mwa? (b) Wacikara nitimo ang’o pi nipaku Yehova ku wer, man jukani ma gicikiri nibedo ma kwong’a niwero wer i coko? (Nen cal mir acaki.)
9 Thelembe moko makanigi ma nyo uketho Ezra 3:11; som Zaburi 147:1.) Tin eni, Udiker dupa utie kud écrans ma konyo pi nyutho wec mi wer kinde ma jubewer; yub maeno romo konyowa niwer maber. Bende, lembe mir anyong’a utie nia, wer mi Ker utie dong’ i program mi somo mi tic mi Ker pi judong cokiri. Eno ubenyutho nia pire tek lee mandha ni judong cokiri nia gibed ma kwong’a niwero wer i coko mwa.
itie ku jiji niwer? Saa moko nyo yopewu kunoke i suru peri, dhanu ung’iyo ngo niwero wer. Kunoke nyo kan ibewinjo kite ma jurubodho mi wer ubewer ko i radio kunoke i televizio, man kan iporo wer migine ku peri, inweng’iri nia itie jaswa i wer kunoke ing’eyo wer ungo. Ento, ng’ei nia wan ceke watie ku rwom mi paku Yehova ku wer. Pieno, ting’ bukuwer peri ubed malu, ting’ wii bende malu, man wer kud amora! (10. Wacikara nipoi ikum lembang’o tekene watie ku lworo mi wer ku dwal ma tek?
10 Dhanu dupa lworo niwer ma tek pilembe giparu nia dwandgi bibedo tek akeca nisagu mukero, kunoke nia dwandgi tie cu ngo. Re, kepoi ikum lembe ma e: “Wan ceke wakier” i wec wang’ mapol, ento eno cerowa ngo niweco. (Yakobo 3:2) Dong’ ke, pirang’o waromo weko dwandwa ma leng’ ungo ucerwa nipaku Yehova ku wer?
11, 12. Kara watund niwer maber, ukwayu watim ang’o?
11 Saa moko nyo wabelworo niwer pilembe wang’eyo ngo nia waromo wer nenedi. Re, lembe moko ma thindho thindho utie ma waromo timo kara watund niwer maber. *—Som korolembe m’i there.
12 Kara iwer ku dwendi ma tek, ubekwayu iyuy maber. Yuyo mio tego i dwendi kinde m’ibeweco kunoke ibewer, tap calu ma pil kunoke batheri mio ko tego ni ampul kunoke neo pi niliel. Wer ku dwendi ma rom ku Zaburi 33:1-3.
m’ibed iweco ko, kunoke nisagu maeno. (Som juk ma nwang’ere i buku Faidika na Elimu ya Shule ya Huduma ya Kitheokrasi, mbaya mi 181 nitundo i 184, i the thiwiwec ma nok m’uyero “Yuy maber.”) Biblia de uyero ni jurutic pa Yehova nia kinde ma gibewero ire pak, giwer kud anyong’a man “ku badwal ma dit.”—13. Kekor lembe ma waromo timo kara wawer ma cwinywa tek.
13 I saa mi thier mi juruot, kunoke i saa peri ma segi, kepim nitimo lembe ma e: Ng’ii wer acel ikind wer m’imaru lee i buku mwa mi wer. Som wec mi werne ku dwendi m’acanya man ma tek. I ng’eye, yuy wang’ acel man iyer ku wii wec ceke mir unguwec acel (phrase) ku dwal ma rom. Tokcen ne, dok iwer unguwec maeca ceke ku dwendi ma tek. (Isaya 24:14) Kan itimo kumeno, dwendi mi wer bimedere bidoko tek. Eno tie ber. Kud iwek lworo kunoke lewic unegi pi dwendine!
14. (a) Yabu dhogwa ma lac romo konyowa nenedi i saa mi wer? (Som sanduku ma thiwie tie “ Lembe m’iromo timo kara itund niwer maber.”) (b) Juk makani m’ineno nia utie ku kony ikind juk ma jumio pi nidaru peko mi dwal?
14 Kara itund niwer ku dwal ma tek, ukwayu iyab dhogi ayaba. Pieno, kinde m’ibewer, yab dhogi ma lac nisagu m’ibed iweco ko aweca. Ento kan inwang’u nia dwendi ni piny kunoke eni malu akeca nisagu mukero, ukwayu itim ang’o? Iromo nwang’u juk moko ma copo konyi i sanduku ma thiwie tie “Kite ma juromo daru ko peko ma segi,” i buku Faidika na Elimu ya Shule ya Huduma ya Kitheokrasi, mbaya mi 184.
WER WER MI PAK KUD ADUNDENI CEKE
15. (a) Lembang’o ma jutwong’o pire i coko madit ma kubang’ oro m’utimere i 2016? (b) Thelembe moko makani m’uketho juwodho bukuwer manyen?
15 Dhanu ceke ma gigam gicokiri i coko madit ma kubang’ oro m’utimere i 2016 i kabedo mwa madit i Amerika gibino kud Wawer kud anyong’a ni Yehova. Calu m’umego Lett ukoro, thelembe moko m’uketho juwodho bukuwer manyen utie nia, Biblia Les Saintes Écritures. Traduction du monde nouveau de juwodho manyen i 2013 i dhok mir Anglais. Juwilo wec moko mi bukuwerne man jukabu wec mange ma dong’ ginwang’iri ngo i Traduction du monde nouveau maeno manyen. Bende, jumedo wer mange manyen m’uweco iwi tic mi rweyo lembanyong’a man iwi jamgony. M’uweko maeno, Guriri m’utelowic umito nia wabed ku bukuwer ma cuu mandha pilembe wer utie thenge acel ma zoo mi thier mwa. Pieno, dende urombo ku mi Traduction du monde nouveau ma juwodho manyen.
anyong’a kinde m’umego Stephen Lett mi Guriri m’utelowic utwong’o pi wok pa bukuwer manyen ma thiwie tie16, 17. Alokaloka mange makani ma jutimo i bukuwer ma nyen?
16 Kara tio ku bukuwerne ubed yot, jupangu wer m’i ie i ungu ma tung’ tung’ nimakere ku lembe ma dongo dongo ma giweco i wie. Ku lapor, wer 12 ma kwong’a uweco iwi Yehova, wer 8 m’ulubo maeno ke uweco iwi Yesu man iwi jamgony, man mange de jupangugi kumeno. Jurieyo lembe ma dongo dongone i acaki mi buku. Eno tie ku kony. Ku lapor, eromo konyo umego m’ubeyenyo wer m’etii ko pi korolembe mi dhanu ceke.
17 Juloko wec mi werne moko kara lembe m’i igi uwinjere terere, man kara ng’atuman uwergi kud adundene ceke. Juwodho wec moko ma jutio ko ngo wang’ mapol, man juwilogi ku wec mange. Kumeno bende, wer ma thiwie ubino “Mwonyolembe hai” udoko ni “Wabed jucirlembe,” man juloko bende wec mi werne. M’uweko maeno, thiwiwer m’uyero nia “Gwok adundeni,” udoko “Wagwoku adundewa.” Pirang’o? Pilembe i wang’e, ka ng’atini ubewero wer maeno, nwang’u ebemio cik ni ju mange. Eromo bedo cu ngo ni ju manyen i lemandha, ni awiya, man ni nyimego nimio cik i cokiri man i coko mwa ma dongo. Pieno, juneno nia etie ber niwilo thiwiwec mi werne man wec moko m’i ie.
Wuponj wer i saa mi thier mi juruot (Nen udukuwec mir 18)
18. Pirang’o wacikara niponjo wer mi bukuwer mwa manyen? (Som korolembe m’i there.)
18 Bukuwer Wawer kud anyong’a ni Yehova, utie ku wer dupa ma juthungo i ayi mi rwo. Wer maeno giromo konyi nikoro ni Yehova kite m’ibewinjiri ko. Werne mange ke bikonyo pi nicwaluwa ‘i mer man i tic ma [beco].’ (Juebrania 10:24) Ukwayu watim kero ning’eyo dwal mi wernegi, kite ma gimol ko, man wec mi igi. Yo acel ma waromo ponjo ko werne utie niwinjo dwal ma jumaku mir umego ku nyimego ma gibewer. Dwal ma jumakune nwang’ere i jw.org. Kan itie ku ng’iyo mi ponjo wer mwa i pacu, ibing’eyo niwer ku tegocwinyi man kud adundeni ceke. *—Som korolembe m’i there.
19. Dhanu ceke mi cokiri copo woro Yehova nenedi?
19 Poi nia wer tie thenge acel ma pire tek i thier mwa. Etie yo maber akeca ma waromo nyutho ko mer mwa ni Yehova man foyofoc mwa pi gin ceke m’etimo iwa. (Som Isaya 12:5.) Kan ibewer ku yaw yaw, ibimio amora ikum dhanu mange bende niwer kumeca. Dhanu ceke mi cokiri copo woro Yehova nikadhu kud i wer, kadok awiya, kadi judongo, kunoke ju manyen i lemandha. Dong’, kud ibed ku jiji niwer kud adundeni ceke. Wor telowic ma e ma jagor zaburi umio: “Wuwer ni Yehova!” Eyo, wer ku dwal mir anyong’a!—Zaburi 96:1.
^ par. 11 Pi ninwang’u juk mange iwi kite m’iromo yiko ko dwal peri mi wer, nen program mi dwi mir 12, 2014 mi Televizio JW (cidh i thiwiwec DEPUIS NOTRE STUDIO).
^ par. 18 Program ceke mi kugweno man mi reto mi coko mwa madit mi twodiri man mir adhura, becaku ku mizik pi dakika apar. Mizik maeno mio iwa ava mi wer man eketho wayikara maber pi nilubo program. Pieno, iwang’ caku pa mizikne, wan ceke wacikara nibedo kakawa ma watie ayika pi nilube.