THIWIWEC MI 51
Nyo ing’eyo Yehova cuu andha?
“Ju m’ung’eyo nyingi gibiketho genogen migi i kumi; kum in, Yehova, iweko ju m’uyenyi ngo.”—ZAB. 9:10.
WER 56 Mok i kum lemandha
I ADUNDO *
1-2. Nimakere ku lembe m’Angelito unwang’ere ko, ng’atuman ucikere nitimo ang’o?
NYO junyodo peri gitie Jumulembe pa Yehova? Ka kumeno, poi nia kara ibed jarimb Yehova, ibilagu ngo merne i bang’gi. Kadok junyodo mwa gitie Jumulembe pa Yehova kunoke ngo de, wang’ei nia ng’atuman ucikere nitwio mer pare ku Yehova en gire.
2 Kenen lapor p’umego moko ma nyinge Angelito. Jupagi bino Jumulembe pa Yehova. Re saa m’ebino aradu, kindgi ku Yehova ubino ngo ceng’ini. Ekoro kumae: “Abino timo ni Yehova kende kende pilembe jufwa de gibetimo ire.” Ento i ng’eye, Angelito ung’io nicaku koyo saa ma lee pi nisomo Lembe pa Mungu man ninyamu ie, man ecaku rwo wang’ ma pol i bang’ Yehova. Adwogine ubino ang’o? Angelito medo kumae: “Anyang’ nia gin acel kende ma copo dwoko kindwa ku Yehova ma tie Wegwa udok ceng’ini, utie niponjo ning’eye an gira.” Lembe m’Angelito unwang’ere ko ubekelo penji ario ma e: Tung’ tung’ ang’o m’utie i kind ng’eyo lembe moko iwi Yehova, ku ng’eyo Yehova cuu mandha? Ukwayu watim ang’o kara wang’ei Yehova cuu?
3. Tung’ tung’ ang’o m’utie i kind ng’eyo lembe moko iwi Yehova, ku ng’eyo Yehova cuu mandha?
3 Saa moko wacopo paru nia wang’eyo Yehova pilembe wang’eyo nyinge man wang’eyo lembe moko m’ewacu ku m’etimo. Re pi ning’eyo Yehova cuu, ukwayu watim lembe mange de dupa. Wacikara nikoyo saa ma lee pi niponjo lembe
iwi Yehova man iwi kite pare ma beco. Eno re ma bikonyowa ning’eyo thelembe ma beketho eyero man etimo lembe moko. Kumeno re ma wabing’eyo ka nyo efoyo ku paru mwa, yub mwa man timo mwa. Ka wadaru nyang’ i yeny pa Yehova, ubekwayu watim yenyne.4. Ning’io i lapor mi dhanu moko ma Biblia uweco pigi copo konyowa nenedi?
4 Dhanu moko gicopo cayuwa ka wacaku timo ni Yehova, man giromo nyayu ragedo i kumwa nisagu tek wacaku becidho i coko. Re ka wageno Yehova, ebiwenjowa ngo nyanok de, pilembe nwang’u wacaku kude the mer ma bigalu i kwo mwa zoo. Nyo andha wacopo ng’eyo Yehova cuu? Eyo, wacopo ng’eye! Lapor mi dhanu moko ma gibino leng’ ungo, calu ve Musa man ubimo Daudi ubenyutho nia ecopere. Kinde ma wabeng’io i lapor migi, wabidwoko wang’ penji ario ma e: Dhanu maeno gigam gitimo ang’o kara ging’ei Yehova cuu? Waromo nwang’u ponji ma kani niai kud i lapor migi?
MUSA UNENO “NG’ATU MA NEN UNGO”
5. Musa ung’io nitimo ang’o?
5 Musa utio ku lembe m’eponjo. Saa ma Musa doko ku oro 40, eng’io nidok i bang’ dhanu pa Mungu, niwacu nyithindho mir Israel kakare nibedo “wod Nyafarao.” (Ebr. 11:24) Kinde ma Musa ung’io nidok i thenge mi Juisrael, eweko kabedo mi yung. M’umedo maeno, eng’eyo nia kwinyo biopo lee i Farao m’ubino ubimo ma won tego, man ma Jumisiri ubed uneno ni mungu buu. Eno unyutho nia Musa bino ku yioyic ma tek mi tuko ngo! Bende, egeno Yehova. Genogen maeno re m’ukonye nibedo ku mer ma ceng’ini ku Mungu i kwo pare zoo.—Rie. 3:5.
6. Lapor pa Musa ubemio iwa ponji ma kani?
6 Lembuno ubemio iwa ponji ma kani? Calu Musa, saa moko kwayu wan ceke watim ng’iong’ic ma pire tek i kwo mwa: Nyo wabitimo ni Mungu man wabidikara ku dhanu pare? Saa moko, copo kwayere nia watwonara ku lembe moko kara watim ni Mungu, kunoke dhanu ma gibetimo ngo ni Yehova giromo nyayu ragedo i kumwa. Ento ka wageno Wegwa mi polo, wang’ei nia ebikonyowa!
7-8. Musa umedere niponjo lembang’o?
7 Musa umedere niponjo kite ma tung’ tung’ pa Yehova, man nitimo yeny pare. Ku lapor, kinde ma Mungu ukwayu nia Musa ucidh uwodh thek mir Israel kud i ng’eca, lworo gam unege man wang’ dupa eyero ni Yehova nia eromo ngo. Ento ayi ma Mungu udwoko ko lembe ni Musa unyutho nia etie ku kisa i kume; enyang’ i lembe m’ubino nyayu lworo i Musa man ekonye. (Ai 4:10-16) Eno ugam ukonyo Musa ninwang’u tegocwiny m’ecidh eyero ko pi rwonglembe ma kwiny mi pokolembe pa Mungu ni Farao. I ng’eye, Musa neno nia andha Yehova utie ku tego saa m’ebodho nyithindho mir Israel, ento enyotho Farao kud udul mony pare ceke i Nam ma kwar.—Ai 14: 26-31; Zab. 136:15.
8 Nindo ma nok i ng’ei ma Musa uwodho nyithindho mir Israel kud i Misiri, gicaku bewagiri lee pi lembe ma tung’ tung’. Saa maeno, Musa uneno kite ma Yehova unyutho ko cirocir ma lee ni thek mir Israel m’ewodho kud i ng’eca. (Zab. 78:40-43) Bende, Musa uneno nia Yehova utie ku jwigiri ma lee saa m’eyio niloko nen pare pi nitimo lembe ma en e Musa ekwayu.—Ai 32:9-14.
9. Nimakere ku Juebrania 11:27, mer m’i kind Musa giku Yehova ubino nenedi?
9 I ng’ei ma nyithindho mir Israel giwok Juebrania 11:27.) Pi ninyutho ayi ma kind Musa giku Yehova ubino ko ceng’ini, Biblia uyero kumae: “Yehova giweco ku Musa ma ginendri ku wang’gi, calu dhanu weco ku jarimbe.”—Ai 33:11.
kud i Misiri, kind Musa giku Mungu udoko ceng’ini magwei, udong’ ubedo ve ebino neno Won mi polo. (Som10. Pi ning’eyo Yehova cuu, wacikara nitimo bende ang’o?
10 Lembuno ubemio iwa ponji ma kani? Kara wang’ei Yehova cuu, kwayu ngo wajik kende kende niponjo kite pare ma tung’ tung’, ento kwayu bende watim yeny pare. Tin, yeny pa Yehova utie nia “dhanu ceke bothi, ku bino ba ng’eyong’ec mi lemandha.” (1 Tim. 2:3, 4) Yo acel ma wanyutho ko nia wabetimo yeny pa Mungu utie niponjo dhanu ku lemandha iwi Yehova.
11. Kinde ma wabeponjo jumange kara ging’ei Yehova, wanwang’u kony ma kani?
11 Wang’ ma pol ka wabeponjo jumange ku lemandha iwi Yehova, eno konyo wan de ning’eye cuu. Ku lapor, waneno kisa pa Yehova kamaleng’ kinde m’ebekonyowa ninwang’u dhanu ma gimito gibed jurimbe. (Yoh. 6:44; Tic. 13:48) Bende, wabed waneno kamaleng’ nia Lembe pa Mungu tie ku tego kinde ma ng’atu ma wabeponjo kude Biblia ubeweko timo ma reco man eberonyo ng’atu ma nyen. (Kol. 3:9, 10) M’umedo maeno, wabed waneno nia Mungu tie ku cirocir kum ebeorowa wang’ udul i bang’ dhanu mi teritwar mwa pi nikonyogi kara giponj lemandha i wie man gibin gibothi.—Rum. 10:13-15.
12. Calu ma Ai 33:13 unyutho, Musa ukwayu ang’o i bang’ Yehova man ke pirang’o?
12 Musa uparu ngo nia lembe m’eng’eyo iwi Yehova uromo. Kadok Mungu utio ku Musa pi nitimo udu dupa de, re asu Musa ujwigere man ekwayu Yehova ukonye kara eng’eye cuu. (Som Ai 33:13.) Saa ma Musa ubekwayu Yehova kumeno nwang’u dong’ etie ku oro 80 ku wie; re eng’eyo nia fodi lembe tie dupa m’ecopo ponjo iwi Won mi polo ma jamer.
13. Wacopo nyutho i yo ma kani nia winjiri mwa ku Yehova pire tek i iwa?
13 Lembuno ubemio iwa ponji ma kani? Kadok nwang’u dong’ wadaru timo ni Yehova pi oro ma rukani de, wacikara ngo niparu nia dong’ wambe ku yeny mi ponjo lembe iwi Mungu. Yo acel ma pire tek ma wanyutho ko nia winjiri mwa ku Yehova pire tek i iwa utie nirwo i bang’e.
14. Pirang’o rwo tie gin ma pire tek ka wamito wang’ei Mungu?
14 Kan ibemito mer mwu ku jarimbi udok tek, kwayu ibed iwec kude wang’ ma pol. Kumeno bende, kara icor i vut Mungu, bed irwo i bang’e wang’ ma pol; lworo kud unegi nibekoro ire paru m’upondo i adundeni. (Ef. 6:18) Nyamego Krista ma bedo i Turquie ukoro kumae: “Mer m’amaru ko Yehova man genogen m’atie ko i wie medere nja kan abekoro ire lembe mir adundena man abeneno kite m’ebekonya ko. Saa m’aneno kite ma Yehova ubedwoko ko wang’ rwo para, anwang’u nia andha Yehova utie Wego man etie jarimba.”
NG’ATU MA KACWINY YEHOVA
15. Yehova uyero ang’o pi Daudi?
15 Saa ma Daudi unyolere, nwang’u junyodo pare ku jumange giworo Yehova Mungu. Re Daudi utimo ngo ni Yehova kende kende pilembe jupagi gibetimo kumeca. Etheyo mer pare gire ku Yehova, eno uketho Yehova umare magwei. Ewacu nia Daudi ubino ‘ng’atu ma ka cwinye.’ (Tic. 13:22) Daudi utimo ang’o kara kindgi ubed ceng’ini ku Yehova?
16. Daudi uponjo lembang’o iwi Yehova saa m’ebeneno giracwia?
Zab. 19:1, 2) Saa ma Daudi unyamu i lembe lee iwi ayi ma Mungu ucwio ko dhanu, enyang’ nia Mungu tie ku rieko ma kajikne mbe. (Zab. 139:14) Kinde m’eparu akeca iwi piny ma Yehova ucwio, enwang’u nia etie nok dit ka jupore ku Yehova.—Zab. 139:6.
16 Daudi uponjo lembe iwi Yehova nikadhu kud i giracwia. Kinde ma Daudi ubino aradu, wang’ ma pol ebed ebedo i thim pi nikwayu rombe pa won. Copere saa maeca re m’ecaku paru lembe akeca iwi piny ma tung’ tung’ ma Yehova ucwio. Ku lapor, kinde ma Daudi ubed uting’o wang’e malu kud uthieno, ebed eneno nyikaluku ma wendgi swa. Re copere enyang’ bende nia ng’atu m’ucwiogi utie ku kite ma tung’ tung’ ma beco. Eno ucwalu Daudi nikiewo kumae: “Polo yero pi dwong’ pa Mungu; man apokapiny unyutho tic mi cinge.” (17. Waromo nwang’u ponji ma kani ka wabeparu kilili iwi giracwia?
17 Lembuno ubemio iwa ponji ma kani? Keth paru peri i kum giracwia. Bed inwang’ saa mi neno piny ma beco ma Mungu cwio, man wek pinyne unyai mutoro i ii! Kubang’ ceng’, nen giracwia ma tung’ tung’ m’utie i ng’eti, ku lapor lum, lei man dhanu; par kilili i wigi man nen nia gibeponji ku lembang’o iwi Yehova. Kan itimo kumeno, kubang’ nindo ibiponjo lembe dupa iwi Wegwa ma jamer. (Rum. 1:20) M’umedo maeno, nja ibineno nia mer m’imare ko ubemedere ameda.
18. Nimakere ku Zaburi mir 18, Daudi unyang’ i lembang’o?
18 Daudi unyang’ nia Yehova ubino konye. Ku lapor, saa ma Daudi ubodho rombe pa won kud i lak umvor man urudi, enyang’ nia Yehova re m’ukonye ninego yedi ma kwiny maeno. Kinde ma Daudi unego jarukara ma Goliath, eneno kamaleng’ nia Yehova ubetelo wie. (1 Sam. 17:37) Bende, saa m’eboth kud i cing ubimo Saul ma nwang’u dong’ kumira mondo i ie, enwang’u nia Yehova re m’ubodhe. (Zab. 18) Ka nwang’u Daudi bino jakuhaya, nwang’u eparu nia etimo lembe maeno zoo ku tego pare gire. Ento Daudi ubino ng’atu ma mol, pieno enyang’ nia Yehova re m’ukonye i kwo pare zoo.—Zab. 138:6.
19. Lapor pa Daudi ubemio iwa ponji ma kani?
19 Lembuno ubemio iwa ponji ma kani? Kan idaru kwayu kony i bang’ Yehova, kud ijik keno. Tim tego ning’eyo nia Yehova udwoko wang’ rwo peri i saa ma kani, man edwoke nenedi. Ka wang’eyo nia tego mwa tie ku mupaka, wabinyang’ nia lembe tie dupa ma waromo timo ngo ku copo mwa giwa, ento Yehova re m’ubekonyowa nitimogi. Saa ceke ma wabeneno kite ma Yehova ubekonyo kowa, mer m’i kindwa kude bidoko tek mandha. Umego Isaac ma bedo i ng’om mi Fiji man m’utimo ni Yehova pi oro dupa unwang’u nia etie kumeno andha. Ekoro kumae: “Kan abeparu pi kwo para, anwang’u nia Yehova ukonya lee dit niai m’acaku ponjo Biblia nitundo tin eni. Eno uketho ayio nia Yehova utie andha.”
20. Mer m’ubino i kind Daudi ku Mungu ubeponjowa ku lembang’o?
20 Daudi ukwanyu kite pa Yehova. Yehova ucwiowa ku copo mi kwanyu kite pare. (Tha. 1:26) Tek wabeponjo ning’eyo kite ma tung’ tung’ pa Yehova, wabituc nikwanyu kothe. Daudi utundo ning’eyo Wegwa mi polo cuu, pieno ayi m’ekwo ko ku jumange unyutho nia elubo kite pa Mungu. Wakenen lapor acel kende. Kadok nwang’u Daudi udubo ni Yehova saa m’etimo gier ku Bath-ceba man eketho junego cware de, re Yehova ung’io nitimo ire kisa. (2 Sam. 11:1-4, 15) Etimo kisa ni Daudi pilembe Daudi de ulubo lapor pare, niwacu enyutho kisa ni jumange. Calu m’ubimo Daudi ubino ku mer ma ceng’ini ku Yehova, nyithindho mir Israel gigam gimare lee man edoko ni lapor ni jubim mange mir Israel.—1 Ub. 15:11; 2 Ub. 14:1-3.
21. Nimakere ku Juefeso 4:24 man 5:1, wabinwang’u adwogi ma kani ka watie “jukwany ba Mungu”?
21 Lembuno ubemio iwa ponji ma kani? Wacikara nibedo “jukwany ba Mungu.” Ka wabetimo kumeno, wabinwang’u bero ma lee, man wabiponjo lembe dupa i wie. Bende, ka wabekwanyu koth Mungu, eno binyutho nia watie nyithindho pare.—Som Juefeso 4:24; 5:1.
MEDIRI NING’EYO YEHOVA CUU
22-23. Ka wabetio ku lembe ma waponjo iwi Yehova adwogine bibedo ang’o?
22 Calu ma waai waneno, wacopo ponjo lembe dupa iwi Yehova nikadhu kud i giracwia man i Lembe pare Biblia. Biblia tie ku lapor dupa mi dhanu ma gigam gigwoko bedoleng’ migi ni Mungu, man ma wacopo lubo lapor migi, calu ve Musa man Daudi. Yehova udaru timo thenge pare. Dong’ wan de watim thenge mwa, niwacu wayab wang’wa, ithwa man adundewa pi niponjo lembe i wie.
23 I andha, wabiponjo lembe iwi Yehova rondo ku rondo. (Ekl. 3:11) Gin ma pire tek utie ngo kadhiri mi lembe ma wang’eyo i wie, ento kite ma wabetio ko ku lembene i kwo mwa. Ka wabetio ku lembe ma wabeponjo man waii nilubo lapor pa Wegwa, ebimedere nicoro ceng’ini i vutwa. (Yak. 4:8) Yehova ubetielo cwinywa nikadhu kud i Lembe pare nia ebiweko ngo ju m’ubeyenye.
WER 80 ‘Bil man nen nia Yehova e ber’
^ par. 5 Tin, dhanu dupa giyio nia Mungu nuti, re i andha, ging’eye cuu ngo. Dong’ ning’eyo Yehova cuu thelembene tie ang’o? Lapor pa Musa man p’ubimo Daudi romo konyowa nenedi kara watwii mer ma ceng’ini ku Yehova? I thiwiwec maeni wabidwoko wang’ penji maeno.