Nyo ing’eyo?
Pirang’o ebino lembe ma ber nia Yehova ubed uyiyo juthier akuru nyathuk kunoke akuru mi pacu ni lami?
I THE Cik pa Musa, kit akuru ario, niwacu akuru nyathuk kud akuru ma pacu ceke juyiyo nia juthiergi ni lam ni Yehova. Kit winyo ario eno juweco pigi karacelo i cik m’uweco pi lam, man tek acel umbe jubed jutiyo ku ma kucelo. (Law. 1:14; 12:8; 14:30) Pirang’o eno ubino lembe ma beri? Thelembene acel ubino nia akuru nyathuk saa moko ubed unwang’ere ngo. Pirang’o?
Akuru nyathuk
Akuru nyathuk gitie winyo ma giwotho awotha m’ubed ukwo i ng’om mir Israel i dwi ma ng’om utie lieth i iye. Kubang’ dwi mir 10, givaru gidok i theng ng’om mange ma lieth yo piny, man gidwogo i ng’om mir Israel i saa pa cir. (Wer. 2:11, 12; Yer. 8:7) Eno ubenyutho nia ebino tek ni nyithindho mir Israel con ninwang’u akuru nyathuk pi nithiero ni lam i saa mi koyo.
Akuru mi pacu
Akuru ma pacu lundo, gitie ngo winyo ma wotho awotha. Pieno, gibed ginwang’iri i ng’om mir Israel pi oro zoo. M’umedo maeno, akuru ma pacu gitie winyo ma jutungo atunga. (Nen bende Yohana 2:14, 16.) Buku moko (Bible Plants and Animals) uwacu nia “pacu kud adhura ceke mi Palestin ubed utungo akuru mi pacu. Ng’atuman ubino ku od akuru pare, kunoke odigi ma juroko i kor ot.”—Nen Isaya 60:8.
Akuru ma n’i ode
I ayi maeno re ma Yehova unyutho nia etie Mungu ma jamer man ma lembe pare iye tek ungo, kum eyiyo nia nyithindho mir Israel githier winyo ma nwang’ere igi i kind oro.
