OTKUR MA WIW—MI PONJI Dwi mir 5 2020
Gazeti maeni utie ku thiwiwec ma jubiponjo niai i yenga mi nindo 6, dwi mir 7–Nindo 2, dwi mir 8, 2020.
Jukani ma gidoko “ubimo ma yor ariwa ma malu” i nindo mi kajik?
Thiwiwec mir 19: Yenga mi nindo 6-12, dwi mir 7, 2020. Tin wabeneno kamaleng’ nia lembila ma Daniel uewo iwi “ubimo ma yor ariwa ma malu” man “ubimo ma yor ariwa ma piny” ubemedere nipong’o. Lembang’o m’ucwaluwa niyero kumeno? Pirang’o ubekwayu wanyang’ cuu i lembila maeno?
Ubimo ario ma gibekiedo i kindgi i nindo mi kajik
Lembila m’uweco pir “ubimo ma yor ariwa ma malu” man “ubimo ma yor ariwa ma piny” uwotho lubiri aluba ku lembila mange. Lembila maeno ubenyutho nenedi nia ng’om maeni udhingo ajikine?
Ng’a ma tie “ubimo ma yor ariwa ma malu” tin eni?
Thiwiwec mi 20: Yenga mi nindo 13-19, dwi mir 7, 2020. Ng’a ma tie “ubimo ma yor ariwa ma malu” tin eni, man jubinyothe nenedi? Dwokowang’ penji maeno bitielo yioyic mwa, man bikonyowa kara wabed ayika pir amulaic ma wabinwang’ara ko ceng’ini eni i saa mi masendi ma dit.
Nyo ibed ifoyo Mungu pi giramia m’emio iri?
Thiwiwec mi 21: Yenga mi nindo 20-26, dwi mir 7, 2020. Thiwiwec maeni bimio iwa thelembe dupa ma bicwaluwa nidwoko foyofoc lee ni Yehova pi giramia moko ma beco m’emio iwa. Ebikonyowa bende nibedo ayika ninyamu i lembe ku dhanu m’uyio nia Mungu mbe.
Wafoi Yehova pi lonyo ma nen ungo m’emio iwa
Thiwiwec mi 22: Yenga mi nindo 27, dwi mir 7–Nindo 2, dwi mir 8, 2020. I thiwiwec ma kwong’a, waweco iwi giramia moko ma Mungu mio iwa, ma kumgi nen. Ento i thiwiwecne maeni, wabiketho wiwa akeca iwi lonyo moko ma watie ko, ma re kumgi nen ungo, man wabineno ayi ma waromo nyutho ko nia pi lonyo maeno tie tek lee i iwa. Thiwiwecne bikonyowa bende nidwoko foyofoc lee ni Yehova m’umio iwa lonyone.